تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
مشرقی سعودی عرب سے عرب دنیا تک پہنچنے والی 'ساقو' رمضان ڈش کیا ہے؟
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعہ 21 ذوالحجہ 1440هـ - 23 اگست 2019م
آخری اشاعت: ہفتہ 13 رمضان 1440هـ - 18 مئی 2019م KSA 09:26 - GMT 06:26
مشرقی سعودی عرب سے عرب دنیا تک پہنچنے والی 'ساقو' رمضان ڈش کیا ہے؟
العربیہ ڈاٹ نیٹ ۔ نادیہ عبدالعال

سعودی عرب اور دوسرے عرب ملکوں میں ماہ صیام کی مناسبت سے کئی پکوان مشہور ہیں۔ انہی میں سعودی عرب کے مشرقی علاقے سے متعارف ہونے والی رمضان ڈش 'الساقو' اب عرب دنیا کا مرغوب اورپسندیدہ پکوان بن چکا ہے۔

'الساقو' سب سے پہلے سعودی عرب کے مشرقی علاقوں الاحساء اورالقطیف میں تیار ہوتا اور اسے ماہ صیام میں افطار اور سحر کے دستر خوان کی خصوصی پہچان قرار دیا گیا۔ خوش ذائقہ پکوان الساقو کی شہرت تیزی کے ساتھ سعودی عرب سے باہر نکل کر بحرین اور سلطنت اومان تک جا پہنچی، اجزاء کی معمولی تبدیلی کے بعد اب یہ رمضان پکوان دوسرے عرب ملکوں میں بھی ماہ صیام کے موقع پر تیار کیا جاتا ہے۔

الساقو سے مشرقی سعودی عرب میں لوگوں‌کا تعارف 1950ء کے عشرے میں ہوا۔ دیکھتے ہی دیکھتے اسے سعودی عرب میں الخبیصہ، العصیدہ اور المنفور جیسے روایتی رمضان پکوانوں کی طرف اہمیت اور شہرت حاصل ہو گئی۔ وقت کے ساتھ ساتھ الساقو خلیجی ممالک میں عوامی پکوان کا درجہ حاصل کرگیا۔

عوامی پکوانوں کے ماہر فاضل بریہ نے بتایا کہ 'الساقو' کا سب سے پہلے آغاز غالبا القطیف گورنری سے ہوا۔ خلیجی ممالک میں اسے اناج کی ایک ہی قسم سے تیارکرنے کے قائل ہیں تاہم مختلف معاشروں میں اس کے تیار کرنے کا طریقہ الگ الگ ہے۔

بعض لوگ اسے سادہ اندازہ میں تیار کرتے ہیں اور بعض اس کی خوبصورت اور ذائقے میں اضافے کے لیے خشک میوے اور ناریل بھی استعمال کرتے ہیں۔ بعض لوگ اس میں دودھ بھی ڈالتے ہیں۔

خلیجی ممالک میں الساقو کی تیاری کے لیے اجزائے ترکیبی ایک ہی ہیں۔ عرق گلاب، زعفران اور سبز الائچی اس کے بنیادی اجزاء ہیں۔ حسب ضرورت اور مزید خوش ذائقہ بنانے کے لیے چینی اور نشاستہ بھی شامل کیا جاسکتا ہے۔

خلیجی پکوانوں کے ماہر اور شاہ سعودی یونیورسٹی کے سابق پروفیسر عبدالرسول یافی نے العربیہ ڈاٹ نیٹ سے بات کرتے ہوئے کہا کہ الساقو مشرقی ایشیائی اناج سے تیار کیا جاتا ہے۔ یہ خلیجی ممالک میں ایک ہی اناج سے بنایا جاتا اور ایک ہی نام سے مشہور ہے تاہم اس کے بنانے کے طریقے مختلف ہیں۔

الساقو کا اناج ملائیشیا اور انڈونیشیا جیسے ملکوں میں کاشت کیا جاتا ہے۔ عرب ممالک وہیں سے اس کا اناج منگواتے ہیں۔ الساقو ماہ صیام کے مشہور ترین کھانوں میں شمار ہوتا ہے۔

نقطہ نظر

مزید

قارئین کی پسند