تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
حجاج کرام کی گاڑیاں ٹھیک کرنے کے لیے سعودی رضاکاروں کی ٹیم
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 18 ربیع الثانی 1441هـ - 16 دسمبر 2019م
آخری اشاعت: پیر 10 ذوالحجہ 1440هـ - 12 اگست 2019م KSA 14:12 - GMT 11:12
حجاج کرام کی گاڑیاں ٹھیک کرنے کے لیے سعودی رضاکاروں کی ٹیم
العربیہ ڈاٹ‌ نیٹ ۔ حامد القرشی

سعودی عرب میں ٹیکنیکل اینڈ ووکیشنل ٹریننگ کارپوریشن کے رضاکاروں پر مشتمل ٹیم رواں سال حج سیزن کے دوران ایک رضاکارانہ پروگرام پر عمل درامد کر رہی ہے۔

اس رضاکارانہ پروگرام کے تحت بیت اللہ آنے والے حجاج کرام کی خراب ہو جانے والی گاڑیوں کے لیے مرمت کی خدمات پیش کی جا رہی ہیں۔ مکہ مکرمہ میں انٹرمیڈیٹ ووکیشنل انسٹی ٹیوٹ کے ڈائریکٹر اور رضاکارانہ پروگرام کے چیف ایگزیکٹو انجینئر سفر الغامدی نے العربیہ ڈاٹ نیٹ کو بتایا کہ مذکورہ رضاکارانہ پروگرام میں مکہ مکرمہ کے انٹرمیڈیٹ ووکیشنل انسٹی ٹیوٹ اور ٹیکنیکل کالج کے طلبہ اور انجینئرز شریک ہیں۔ یہ پروگرام مکہ مکرمہ ریجن میں ٹیکنیکل اینڈ پروفیشنل ٹریننگ کی عام انتظامیہ کے زیر نگرانی چل رہا ہے۔

الغامدی کے مطابق پروگرام میں خدمات فراہم کرنے کے لیے 4 گاڑیاں ہیں جن کو ہائی وے پر ہنگامی مرمت اور جلد دیکھ بھال کے مقاصد کو سامنے رکھ کر تمام تر مطلوبہ سامان سے مکمل طور پر لیس کیا گیا۔ اس پروگرام میں حجاج کرام کی خدمت کے واسطے مکہ مکرمہ کے داخلی راستوں، الحرمین روڈ اور اسی طرح فورتھ سرکل روڈ، اللیث کی جنوبی روڈ وار مدینہ منورہ کی روڈ کو شامل کیا گیا ہے۔

ہر گاڑی میں ایک انجینئر اور تین تربیتی ٹیکنیشن موجود ہوتے ہیں۔ یہ لوگ مکہ مکرمہ آنے والے ہائی ویز پر خراب ہو جانے والی کسی بھی گاڑی کو سپورٹ اور مدد پیش کرتے ہیں۔

قابل ذکر بات یہ ہے کہ پروگرام کے تحت 24 گھنٹے خدمات فراہم کی جا رہی ہیں۔ الغامدی کے مطابق رضاکارانہ ٹیم نے گذشتہ دنوں کے دوران 276 گھنٹے رضاکارانہ خدمات پیش کیں۔