تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
عمرے کے ویزے اب آن لائن ادائیگی پر جاری ہوں گے: سعودی وزارت حج وعمرہ
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

ہفتہ 19 صفر 1441هـ - 19 اکتوبر 2019م
آخری اشاعت: ہفتہ 14 محرم 1441هـ - 14 ستمبر 2019م KSA 12:08 - GMT 09:08
عمرے کے ویزے اب آن لائن ادائیگی پر جاری ہوں گے: سعودی وزارت حج وعمرہ
عمرہ کمپنی امیدوار کی درخواست قبول یا مسترد کرنے کی مجاز ہو گی۔
ایجنسیاں

سعودی عرب کی وزارت حج وعمرہ نے عمرہ ادائی کے لیے ویزے اب آن لائن جاری کرنے کی ہدایت کر دی ہے۔ سعودی وزارت حج و عمرہ کے مطابق عمرہ کے خواہش مند معتمرین کو آئندہ عمرہ پیکج فیس اپنے ملک میں ہی ادا کرنی ہو گی۔

وزارت حج وعمرہ کے مطابق تمام کمپنیوں اور اداروں کو عمرہ ویزے آن لائن جاری کرنے کی ہدایت کر دی گئی ہے۔ نئی ہدایات کے تحت عمرہ زائرین کو پہلے سعودی عمرہ کمپنی کے غیر ملکی ایجنٹ اور پھر عمرہ پیکج کا انتخاب کرنا ہو گا۔ عمرہ پیکیج مطلوبہ خدمات اور سعودی عرب کے دوطرفہ ٹکٹ نمبر پر مشتمل ہو گا۔

غیر ملکی ایجنٹ عمرے کے خواہش مند متعمرین کے کوائف کا اندراج کریں گے۔ نیا فارم بھریں گے اور تمام دستاویزات عمرہ کمپنی کو ارسال کی جائیں گی ۔عمرہ کمپنی امیدوار کی درخواست قبول یا مسترد کرنے کی مجاز ہو گی۔

سعودی وزارت حج وعمرہ کی ہدایت کے مطابق درخواست قبول کرنے کی صورت میں عمرہ امیدوار غیر ملکی ایجنٹ کے لئے مقرر کردہ بینک اکاﺅنٹ کے ذریعے عمرہ پیکج کی رقم آن لائن ادا کرے گا۔

اس کے بعد درخواست دہندہ کو دفتر خارجہ سے رابطہ کے لئے نمبر دیا جائے گا۔ امیدوار اس نمبر کے ذریعے ویزے کے اجراء کی کارروائی مکمل کرے گا۔ دفتر خارجہ درخواست کی منظوری کی اطلاع ملنے پرعمرہ سسٹم کے ذریعے ویزے کا اجراء کر دیا جائے گا۔