تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
نیٹو طیاروں کا فوجی چوکی پر حملہ، 5 افغان فوجی ہلاک
حملہ امریکی ڈرون طیاروں کی مدد سے کیا گیا، ضلعی گورنر
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعہ 13 شوال 1441هـ - 5 جون 2020م
آخری اشاعت: جمعرات 4 جمادی الاول 1435هـ - 6 مارچ 2014م KSA 11:57 - GMT 08:57
نیٹو طیاروں کا فوجی چوکی پر حملہ، 5 افغان فوجی ہلاک
حملہ امریکی ڈرون طیاروں کی مدد سے کیا گیا، ضلعی گورنر
کابل ۔ العربیہ ڈاٹ نیٹ

نیٹو نے افغانستان کے مشرقی صوبہ لوگر میں جمعرات کی صبح فضائی حملہ کیا ہے۔ اس حملے کے نتیجے میں افغان نیشنل آرمی کے پانچ اہلکار ہلاک اور 17 زخمی ہوگئے ہیں۔ فوری طور پر اس حملے کی وجوہات سامنے نہیں آسکی ہیں۔ صوبائی گورنر کے ترجمان دین محمد درویش نے اس واقعے کی تصدیق کردی ہے۔

بعد ازاں افغانستان میں سرگرم نیٹو فورسز نے بھی اس کارروآئی کی تصدیق کر دی ہے۔ تاہم نیٹو ترجمان نے افغان فوجیوں کی ہلاکت کو ایک حادثہ قرار دیا ہے۔ مبصرین کا کہنا ہے کہ اس واقعے سے افغان حکومت اور نیٹو فورسز کے درمیان کشیدگی کی زد میں تعلقات پر مزید منفی اثر پڑے گا۔ واضح رہے امریکا اور افغان حکومت کے درمیان مجوزہ معاہدے پر اختلاف چل رہا ہے۔

ترجمان کے مطابق یہ فضائی حملہ علی الصبح ساڑھے تین بجے کیا گیا۔ ایک عالمی خبر رساں ادارے کے مطابق زخمی فوجیوں کی تعداد آٹھ ہے۔ ضلعی گورنر خلیل اللہ کمال نے موقع پر جا کر ملنے والے شواہد کی بنیاد پر کہا ہے کہ یہ کارروائی امریکی ڈرون طیاروں کی مدد سے کی گئی ہے۔

کارروائی کے نتیجے میں فوجی پوسٹ مکمل طور پر تباہ ہو گئی ہے۔ یہ پوسٹ ایک پہاڑی چوٹی پر قائم ہے اور اس سے پہلے امریکی فوجیوں کے پاس رہی ہے۔ آجکل اسے افغان فوج استعمال کر رہی تھی۔

نقطہ نظر

مزید

قارئین کی پسند