'داعش' کا خطرہ دنیا کو لپیٹ میں لے سکتا ہے

سعودی عرب کے فرمانروا خادم الحرمین الشریفین شاہ عبداللہ بن عبدالعزیز نے کہا ہے کہ اگر دنیا نے دہشت گردی کے خطرے کا اس وقت مقابلہ نہ کیا تو یہ اس کے اثرات امریکا اور یورپ تک پہنچ سکتے ہیں۔

ان خیالات کا اظہار سعودی فرمانروا نے ساحلی شہر جدہ میں جمعہ کے روز مختلف ملکوں کے سفراء کو دیے گئے ایک استقبالیہ سے خطاب کرتے ہوئے کیا۔ شاہ عبداللہ بن عبدالعزیز کی جانب سے اس استقبالیہ تقریب میں 'العربیہ' نیوز چینل نے بھی شرکت کی۔