تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
اسٹیفن ہاکنگ کی وہیل چیئر اور دیگر اشیاء کی شان دار قیمت میں نیلامی
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

بدھ 19 ذوالحجہ 1440هـ - 21 اگست 2019م
آخری اشاعت: جمعہ 29 صفر 1440هـ - 9 نومبر 2018م KSA 10:03 - GMT 07:03
اسٹیفن ہاکنگ کی وہیل چیئر اور دیگر اشیاء کی شان دار قیمت میں نیلامی
لندن – ایجنسیاں

برطانیہ کے معروف آنجہانی سائنس دان اسٹیفن ہاکنگ کی ذاتی اشیاء کی آن لائن نیلامی کو بھرپور پذیرائی حاصل ہوئی ہے۔ اس سلسلے میں ہاکنگ کی وہیل چیئر 296750 پاؤنڈز (393000 ڈالر) کے قریب فروخت ہوئی۔ ان کی اشیاء کی فروخت سے حاصل ہونے والی آمدنی ایک خیراتی ادارے کو دی جائے گی۔

اسٹیفن ہاکنگ رواں برس مارچ میں 76 برس کی عمر میں انتقال کر گئے تھے۔ اعصابی بیماری کا شکار ہونے کے بعد ان کی زندگی کا طویل حصّہ وہیل چیئر پر گزرا۔ وہ کائنات کی تخلیق کے حوالے سے اپنی تحقیق کے سبب خصوصی شہرت رکھتے تھے۔

برطانوی سائنس دان کی فروخت ہونے والی اشیاء میں ان کے مقالات ، تمغے، ایوارڈز، ان کی مشہور کتاب (وقت کی مختصر تاریخ) کی ایک کاپی کے علاوہ آئزک نیوٹن، چارلس ڈارون اور البرٹ آئنسٹائن سے متعلق کئی مخطوطے شامل ہیں۔

کائنات کے پھیلاؤ کی خصوصیات سے متعلق اسٹیفن ہاکنگ کا 117 صفحات پر مشتمل تحقیقی مقالہ 584750 پاؤنڈز (767000 ڈالر) میں فروخت ہوا۔

شہرہ آفاق سائنس دان کے میڈلز اور ایوارڈز کی فروخت سے حاصل ہونے والی رقم 296750 پاؤںڈز رہی۔ اس نیلامی کا انتظام Christie's online auction کی جانب سے کیا گیا تھا اور یہ نو روز تک جاری رہی۔

نقطہ نظر

مزید

قارئین کی پسند