تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
امریکی پابندیوں کے نتیجے میں ایران کو اربوں ڈالروں کا خسارہ
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

ہفتہ 17 ذیعقدہ 1440هـ - 20 جولائی 2019م
آخری اشاعت: جمعرات 19 شعبان 1440هـ - 25 اپریل 2019م KSA 10:14 - GMT 07:14
امریکی پابندیوں کے نتیجے میں ایران کو اربوں ڈالروں کا خسارہ
دبئی – العربیہ ڈاٹ نیٹ

امریکی وزارت خارجہ کے پالیسی مشیر اور ایران کے لیے امریکا کے خصوصی ایلچی برائن ہوک نے باور کرایا ہے کہ تہران پر عائد امریکی پابندیوں نے ایرانی حکومت کو تیل کی مد میں دس ارب ڈالر سے زیادہ کی آمدن سے محروم کر دیا ہے۔

یہ بات جمعرات کے روز برائن کی صحافیوں سے گفتگو کے دوران سامنے آئی۔ واشنگٹن نے کچھ روز قبل اعلان کیا تھا کہ وہ ایران پر پابندیوں کے حوالے سے تمام تر چھوٹ اور استثنا کا سلسلہ ختم کر دے گا۔ اس نے تمام ممالک سے مطالبہ کیا کہ وہ مئی کے آغاز کے ساتھ ہی تہران سے اپنی درآمدات کو روک دیں بصورت دیگر انہیں سزا پر مبنی اقدام کا سامنا ہو گا۔

امریکی وزیر خارجہ مائیک پومپیو نے پیر کے روز کہا تھا کہ ان کا ملک ایران کی تیل کی برآمدات کو صفر تک لانے کے واسطے کام کرے گا۔ واشنگٹن میں ایک پریس کانفرنس سے خطاب میں امریکی وزیرخارجہ کا کہنا تھا کہ واشنگٹن اپنے اتحادی ممالک کے ساتھ مل کر عالمی منڈی میں تیل کی سپلائی پوری کرنے کوششیں کر رہا ہے تاکہ ایرانی تیل پر پابندی کے بعد عالمی منڈی میں عدم توازن پیدا نہ ہو۔

انہوں نے ایک بار پھر ایران پر تیل کے ذریعے حاصل ہونے والی آمدن کو دہشت گردی کی پشت پناہی کے لیے استعمال کرنے کا الزام عائد کیا۔ مائیک پومپیو کا کہنا تھا کہ ہمارا ہدف قانون سے ماورا ایرانی نظام حکومت کو تیل کی آمدن سے محروم کرنا ہے۔

بعد ازاں منگل کے روز وہائٹ ہاؤس میں اقتصادی مشیر لیری کوڈلو کا کہنا تھا کہ امریکی صدر ڈونلڈ ٹرمپ کی جانب سے ایران کا تیل درآمد کرنے والے ممالک کے لیے چھوٹ ختم کرنے کے فیصلے سے خام تیل کی قیمتوں میں اضافہ نہیں ہو گا۔ انہوں نے کہا کہ تیل کی منڈیاں مستحکم ہیں اور تیل وافر مقدار میں مہیا ہو رہا ہے۔

یاد رہے کہ آئندہ ماہ دو مئی سے اُن تمام ممالک کو ایران سے تیل کی خریداری مکمل طور پر روک دینا ہو گی جن کو اس وقت امریکی پابندیوں سے چُھوٹ اور استثنا حاصل ہے۔

نقطہ نظر

مزید

قارئین کی پسند