تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
سوڈان : اپوزیشن اور عسکری کونسل کے درمیان مشترکہ کمیٹی پر اتفاق رائے
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

ہفتہ 17 ذیعقدہ 1440هـ - 20 جولائی 2019م
آخری اشاعت: جمعرات 19 شعبان 1440هـ - 25 اپریل 2019م KSA 09:38 - GMT 06:38
سوڈان : اپوزیشن اور عسکری کونسل کے درمیان مشترکہ کمیٹی پر اتفاق رائے
دبئی – العربیہ ڈاٹ نیٹ

سوڈان میں عبوری عسکری کونسل کے ترجمان شمس الدین الکباشی کے مطابق بدھ کے روز عسکری کونسل اور اپوزیشن کی ڈیکلریشن آف فریڈم اینڈ چینج فورسز کے درمیان ایک اجلاس منعقد ہوا۔

جمعرات کے روز ایک پریس کانفرنس میں ترجمان نے تصدیق کی کہ امن کو یقینی بنانے کے لیے فریقین کے درمیان شراکت اور مل کر کام کرنے کے حوالے سے اتفاق رائے ہو گیا ہے۔

عکسری کونسل کے مطابق جب تک مقصد ایک رہے گا اس وقت تک ڈیکلریشن آف فریڈم اینڈ چینج فورسز کے ساتھ اختلاف کا وجود نہیں ہو سکتا۔

ترجمان نے یہ بھی بتایا کہ فریڈم اینڈ چینج فورسز کے ساتھ اختلافی نکات کو زیر بحث لانے کے لیے ایک مشترکہ کمیٹی تشکیل دینے کے حوالے سے سمجھوتا ہو گیا ہے۔

دوسری جانب فریڈم اینڈ چینج فورسز کا کہنا ہے کہ "ہم نے عسکری کونسل کے مثبت موقف کے حوالے سے دعوت کا جواب دیا ہے"۔

فورسز نے باور کرایا کہ وہ انقلابی تحریک کی قیادت کر رہی ہے۔ فورسز نے شہریوں کے تحفظ کے سلسلے میں سوڈان کی مسلح افواج کے کردار کو گراں قدر قرار دیا۔

اس سے قبل سوڈانی عسکری کونسل نے اعلان کیا تھا کہ خرطوم نے ملک کے بیرونی قرضوں کی ادائیگی شروع کر دی ہے۔

سوڈانی عسکری کونسل کے نائب سربراہ محمد حمدان دقلو نے کہا کہ "اگر نوجوان مستعد ہیں تو تو ہم اب سے انہیں اقتدار سونپ دینے کے لیے تیار ہیں"۔ انہوں نے مزید کہا کہ ملک کی مطلوبہ ضروریات پوری کرنے کے لیے پوری توانائی صرف کی جا رہی ہے۔ نائب سربراہ نے باور کرایا کہ شہریوں کے تحفظ کو یقینی بنانے کے لیے ملک کے تمام صوبوں میں ریپڈ سپورٹ فورسز کو تعینات کر دیا گیا ہے۔

نقطہ نظر

مزید

قارئین کی پسند