تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
طالبان نے داعش کے خلاف لڑنے اور القاعدہ سے تعلقات ختم کرنے کا ارادہ کر لیا :امریکا
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعرات 16 شوال 1440هـ - 20 جون 2019م
آخری اشاعت: ہفتہ 21 شعبان 1440هـ - 27 اپریل 2019م KSA 11:18 - GMT 08:18
طالبان نے داعش کے خلاف لڑنے اور القاعدہ سے تعلقات ختم کرنے کا ارادہ کر لیا :امریکا
طالبان کے نمائندے کی روسی وزیر خارجہ سیرگئی لاوروف کے ساتھ تصویر۔
واشنگٹن ۔ ایجنسیاں

امریکا، روس اور چین جمعے کے روز افغانستان سے غیر ملکی افواج کے "باقاعدہ اور منظم انخلا" پر متفق ہو گئے ہیں۔ یہ اُس امن معاہدے کی ایک بنیادی شق ہے جس کے حوالے سے واشنگٹن مذاکرات کر رہا ہے۔

افغانستان کے لیے امریکا کے خصوصی ایلچی زلمے خلیل زاد نے روسی اور چینی عہدے داران سے ملاقات کی۔ خلیل زاد عالمی برادری کا ایسا موقف تلاش کرنے کے واسطے کوشاں ہیں جو افغانستان میں جنگ کے خاتمے کے لیے ان کی کوششوں کو سپورٹ کرے۔

تینوں ممالک کے مشترکہ بیان میں امن عمل کا مطالبہ کیا گیا جس کی قیادت افغانوں کے ہاتھ میں ہو۔ امریکی وزارت خارجہ کی جانب سے آنے والے بیان میں کہا گیا کہ "تینوں فریق افغانستان سے منظم طور پر غیر ملکی افواج کے انخلا کا مطالبہ کرتے ہیں اور یہ ایک جامع امن عمل کے حصہ ہونا چاہیے"۔

تینوں ممالک نے اعلان کیا کہ طالبان نے شدت پسند تنظیم داعش کے خلاف لڑنے اور القاعدہ تنظیم کے ساتھ تعلقات منقطع کرنے کا عزم کیا ہے۔ بیان کے مطابق طالبان نے باور کرایا ہے کہ وہ اپنے زیر کنٹرول علاقوں کو کسی بھی دوسرے ملک کے خلاف استعمال ہونے کی اجازت نہیں دیں گے۔ بیان میں افغان طالبان تحریک سے مطالبہ کیا گیا کہ وہ دہشت گردوں کی بھرتی، تربیت اور فنڈنگ کا سلسلہ روکے۔

امریکی صدر ڈونلڈ ٹرمپ افغانستان سے امریکی افواج کے اںخلا اور امریکی تاریخ کے طویل ترین جنگی تنازع کو ختم کرنے کے لیے مذاکرات کے ذریعے راستہ تلاش کر رہے ہیں۔

امریکا، روس اور چین نے طالبان سے مطالبہ کیا ہے کہ وہ ایک وسیع افغان وفد کے ساتھ جس میں حکومت بھی شامل ہو، جلد از جلد مکالمے کا آغاز کریں۔

افغانستان میں تنازع کے خاتمے کے لیے امریکی ایلچی جلد ہی دوحہ میں طالبان کے ساتھ بات چیت کا دوبارہ آغاز کریں گے۔

نقطہ نظر

مزید

قارئین کی پسند