تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
بحر احمر میں ایران کا ایک تیل بردار جہاز فنی خرابی کا شکار
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 23 محرم 1441هـ - 23 ستمبر 2019م
آخری اشاعت: بدھ 19 ذوالحجہ 1440هـ - 21 اگست 2019م KSA 12:18 - GMT 09:18
بحر احمر میں ایران کا ایک تیل بردار جہاز فنی خرابی کا شکار
دبئی ۔ العربیہ نیوز چینل

ایران کا ایک تیل بردار جہاز بحر احمر میں سفر کے دوران فنی خرابی کا شکار ہو گیا ہے۔ اس بات کا اعلان تہران کی جانب سے بدھ کے روز کیا گیا۔ تاہم ایرانی حکام کا کہنا ہے کہ جہاز محفوظ ہے اور اس کا عملہ بھی خیریت سے ہے۔

العربیہ کے نمائندے کے مطابق ایران کا تیل بردار جہاز HELM فنی خرابی کا شکار ہو کر منگل کی صبح سے بحر احمر میں کھڑا ہے۔

ذرائع نے العربیہ کو بتایا کہ بیچ سمندر میں بنا حرکت کیے پورا دن گزار دینے کے باوجود ایرانی تیل بردار جہاز نے نزدیک ممالک سے مدد کی اپیل نہیں کی۔

ادھر ایران کی ایک خبر رساں ایجنسی نے بدھ کے روز بتایا ہے کہ ایران کی ایک کارگو کمپنی اس وقت "ایڈریان ڈاریا " آئل ٹینکر کو لیز پر لے رہی ہے۔ اس ٹینکر (سابقہ نام گریس 1) کو جبل طارق نے تحویل میں لینے کے بعد حال ہی میں چھوڑا ہے۔

ایجنسی کے مطابق کوریا کا بنا ہوا یہ آئل ٹینکر روس کی ملکیت میں ہے اور اس وقت ایک ایرانی کارگو شپنگ کمپنی اسے لیز پر حاصل کر رہی ہے۔

یاد رہے کہ امریکا نے جمعے کے روز مذکورہ تیل بردار جہاز کو تحویل میں رکھنے کی ہدایت جاری کی تھی کیوں کہ واشنگٹن کے نزدیک اس کے ایرانی پاسداران انقلاب کے ساتھ تعلقات ہیں جب کہ امریکا پاسداران کو ایک دہشت گرد تنظیم قرار دے چکا ہے۔

نقطہ نظر

مزید

قارئین کی پسند