تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
ایران کا جان بولٹن کی رخصتی کے باوجود امریکا سے مذاکرات سے انکار
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعہ 17 ربیع الاول 1441هـ - 15 نومبر 2019م
آخری اشاعت: بدھ 11 محرم 1441هـ - 11 ستمبر 2019م KSA 18:11 - GMT 15:11
ایران کا جان بولٹن کی رخصتی کے باوجود امریکا سے مذاکرات سے انکار
دبئی ۔ ایجنسیاں

ایران نے کہا ہے کہ امریکی صدر ڈونلڈ ٹرمپ کے قومی سلامتی کے مشیر جان بولٹن کی رخصتی کے باوجود واشنگٹن سے کوئی مذاکرات نہیں کیے جائیں گے۔

ایران کی سرکاری خبررساں ایجنسی ایرنا کے مطابق اقوام متحدہ میں ایرانی سفیر ماجد تخت عروانچی نے کہاکہ ’’صدر ڈونلڈ ٹرمپ کی انتظامیہ سے قومی سلامتی کے مشیر جان بولٹن کی رخصتی کے بعد ایران امریکا سے مذاکرات کی بحالی پر نظرثانی نہیں کرے گا۔‘‘

انھوں نے مزید کہا کہ ایران پرعاید پابندیوں کے برقرار رہنے کی صورت میں تو امریکا سے مذاکرات کا سوال ہی پیدا نہیں ہوتا۔

ایرانی صدر حسن روحانی نے بھی کہا ہے کہ امریکا کی ایران کے خلاف جارحانہ جنگ پسندی ناکامی سے دوچار ہوگی۔انھوں نے ایک نشری تقریر میں کہا کہ وہ ایران پر زیادہ سے زیادہ دباؤ ڈالنےکی پالیسی کو ختم کرے۔ انھوں نے دھمکی دی کہ اگر ضروری ہوا تو ایران جوہری سمجھوتے کی مزید شرائط کو پورا نہیں کرے گا۔

امریکی صدر ڈونلڈ ٹرمپ نے منگل کے روز اپنے قومی سلامتی کے مشیر جان بولٹن کوبرطرف کردیا تھا۔انھیں صدر ٹرمپ نے کہا تھا کہ اب وائٹ ہاؤس میں ان کی مزید خدمات درکار نہیں ہیں۔اس کے بعد وہ اپنے عہدے سے مستعفی ہوگئے تھے۔جان بولٹن نے ایران کے خلاف امریکا کی سخت گیر خارجہ پالیسی وضع کرنے میں اہم کردار ادا کیا تھا۔

نقطہ نظر

مزید

قارئین کی پسند