تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
دبئی میں مشتبہ ڈرون کی سرگرمی سے بین الاقوامی ہوائی اڈے پر پروازیں متاثر
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

بدھ 16 صفر 1441هـ - 16 اکتوبر 2019م
آخری اشاعت: اتوار 22 محرم 1441هـ - 22 ستمبر 2019م KSA 19:32 - GMT 16:32
دبئی میں مشتبہ ڈرون کی سرگرمی سے بین الاقوامی ہوائی اڈے پر پروازیں متاثر
العربیہ ڈاٹ نیٹ

دبئی کے بین الاقوامی ہوائی اڈے پر ایک مشتبہ بغیر پائیلٹ طیارے کی سرگرمی کی وجہ سے مختصر وقت کے لیے پروازیں متاثر ہوئی ہیں۔

حکام کے مطابق ڈرون کی وجہ سے دو آنے والی پروازوں کا رخ موڑا گیا ہے اور میڈیا کی رپورٹس میں بتایا گیا ہے کہ ان طیاروں کو ہمسایہ امارت شارجہ کے ایک چھوٹے ہوائی اڈے پر اتار لیا گیا ہے۔

دبئی ائیر پورٹس کے ترجمان نے ایک بیان میں اس واقعے کی تصدیق کی ہے اور کہا ہے کہ دبئی بین الاقوامی ہوائی اڈے پر اترنے والی پروازیں مقامی وقت کے مطابق دوپہر 12:36 بجے سے 12:51 تک مشتبہ ڈرون سرگرمی کی وجہ سے متاثر ہوئی ہیں۔

واضح رہے کہ دبئی کے اس ہوائی اڈے پر حالیہ برسوں کے دوران میں تفریحی مقاصد کے لیے استعمال ہونے والے ڈرون کی وجہ سے متعدد مرتبہ پروازیں متاثر ہوئی ہیں۔ایسا آخری واقعہ فروری میں پیش آیا تھا۔

تاہم یہ نیا واقعہ ایسے وقت میں پیش آیا ہے کہ جب سعودی عرب پر حملوں کے لیے فوجی ڈرونز استعمال کیے جارہے ہیں اور چودہ ستمبر کو سعودی آرامکو کی تیل کی دو تنصیبات پر ڈرون سے حملہ کیا گیا تھا۔

ایران کے حمایت یافتہ یمن کے حوثی شیعہ باغیوں نے گذشتہ ہفتے متحدہ عرب امارات میں فوجی اہداف کو فوجی ڈرون حملوں میں نشانہ بنانے کی دھمکی دی تھی۔متحدہ عرب امارات یمن میں قانونی حکومت کی حمایت میں حوثی باغیوں کے خلاف جنگ آزما عرب اتحاد کا اہم رکن ملک ہے۔

نقطہ نظر

مزید

قارئین کی پسند