تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
لیبیا : حفتر کی فوج کے ہاتھوں ترکی کا آپریشنز روم تباہ ، دو انجینئرز ہلاک
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعہ 17 ربیع الاول 1441هـ - 15 نومبر 2019م
آخری اشاعت: منگل 15 صفر 1441هـ - 15 اکتوبر 2019م KSA 09:25 - GMT 06:25
لیبیا : حفتر کی فوج کے ہاتھوں ترکی کا آپریشنز روم تباہ ، دو انجینئرز ہلاک
دبئی – العربیہ ڈاٹ نیٹ

لیبیا میں (جنرل خلیفہ حفتر کی) قومی فوج نے پیر کے روز اعلان کیا کہ دارالحکومت طرابلس میں ایک فوجی ٹھکانے پر فضائی حملے میں ترکی کا ڈرون طیاروں کا کنٹرول روم تباہ ہو گیا۔ اس کے نتیجے میں دو ترک انجینئرز اور کئی پہرے دار اپنی جانوں سے ہاتھ دھو بیٹھے۔

لیبیا کی فوج کے الکرامہ آپریشن روم کے میڈیا سینٹر کی جانب سے جاری بیان میں نشانہ بنائے گئے ٹھکانے کا انکشاف نہیں کیا گیا۔

یاد رہے کہ لیبیا کے لیے اقوام متحدہ کے ایلچی غسان سلامہ کئی روز سے اس امید کا اظہار کر رہے ہیں کہ آئندہ ماہ ہونے والی بین الاقوامی کانفرنس کے نتیجے میں سلامتی کونسل کی جانب سے ایک قرارداد جاری کر دی جائے گی۔ اس قرارداد میں لیبیا پر عائد ہتھیاروں کی پابندی کے نفاذ کے واسطے ایک فوری طریقہ کار وضع کیا جائے گا۔

جرمنی کی طرف سے منعقد کی جانے والی یہ کانفرنس چھ ماہ سے جاری لڑائی کے خاتمے کے لیے پہلی بڑی سفارتی کوشش ہے۔ کانفرنس میں مرکزی بیرونی کھلاڑیوں کو اکٹھا کیا جا رہا ہے تا کہ اقوام متحدہ کی جانب سے عائد کردہ ہتھیاروں کی پابندی کی خلاف ورزیوں کو روکا جا سکے اور فائر بندی اور ایک نئے سیاسی عمل کی پابندی کو یقینی بنایا جائے۔

غسان سلامہ کے مطابق وہ لیبیا میں جنگ کو ختم کرنے کے ارادے کے حوالے سے واضح طور پر اظہار کی توقع رکھتے ہیں اور یہ اظہار اقوام متحدہ کی جانب سے وضع کیے گئے ایک طریقہ کار کی صورت میں ہونا چاہیے۔

نقطہ نظر

مزید

قارئین کی پسند