تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
الیاس فخفاخ تیونس کے نئے وزیراعظم مقرر
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

ہفتہ 27 جمادی الثانی 1441هـ - 22 فروری 2020م
آخری اشاعت: منگل 25 جمادی الاول 1441هـ - 21 جنوری 2020م KSA 07:05 - GMT 04:05
الیاس فخفاخ تیونس کے نئے وزیراعظم مقرر
العربیہ ڈاٹ نیٹ ۔ منیہ غانمی

تیونس کے صدر قیس سعید نے سوموار کے روز سابق وزیرخزانہ الیاس الفخفاح کو وزیراعظم مقرر کرتے ہوئے انہیں کابینہ تشکیل دینے کی دعوت دی ہے۔

نئے وزیراعظم الفخفاح کو ملک کو موجودہ معاشی بحران سے نکالنے اور عوامی مطالبات کے اہم چیلنجز کا سامنا کرنا پڑے گا۔

گذشتہ جمعرات کو مختلف سیاسی جماعتوں کی طرف سے وزارت عظمیٰ اور موجودہ وزیراعظم یوسف الشاھد کی جگہ نئے سربراہ حکومت کے لیے 20 نام پیش کیے تھے۔ گذشتہ روز صدر مملکت کی طرف سے 'تحیا تیونس' اور ڈیموکریٹک پارٹی کے حمایت یافتہ امیدوار الفخفاح کو وزیراعظم نامزد کرتے ہوئے انہیں حکومت تشکیل دینے کی دعوت دی تھی۔

حکومت کی تشکیل کے لیے نامزد وزیراعظم الفخفاح کے پاس ایک ماہ کی مہلت ہے۔ انہیں حکومت کی تشکیل کے بعد پارلیمنٹ سے اعتماد کا ووٹ حاصل کرنا ہوگا۔ حکومت کو موجودہ پارلیمنٹ کے 217 ارکان میں سے کم سے کم 109 کی حمایت حاصل کرنا ہوگی۔ اگر حکومت پارلیمنٹ سے اعتماد کا ووٹ حاصل کرنے میں ناکام رہتی ہے تو پارلیمنٹ تحلیل کرنے کی سفارش کی جائے گی۔ اس وقت تیون کی پارلیمنٹ میں مذہبی سیاسی جماعت تحریک النہضہ اور قلب تیونس کی اکثریت ہے۔

مبصرین کا کہنا ہے کہ نئی حکومت کو جہاں کئی داخلی اور خارجی چیلنجز کا سامنا ہوگا وہیں موجودہ وزیراعظم یوسف الشاھد کی اقتصادی اصلاحات کوآگے بڑھانے اورنئی اصلاحات کے لیے غیرمعمولی سیاسی معاونت درکار ہوگی۔

نو منتخب وزیراعظم الیاس الفخفاخ انجینیرنگ اور بزنس ایڈمنسٹریشن میں تعلیم یافتہ ہیں جب کہ انہوں نے فرانس کی اینسا یونیورسٹی سے میکینیکل انجینیرنگ کی ڈگری بھی لے رکھی ہے۔ انہوں نے سنہ 2006ء کے بعد ملک میں بڑی کاروباری کمپنیوں کے ساتھ اہم عہدوں پرکام کیا اور سنہ 2011ء کے بعد انہوں نے باقاعدہ طور پرسیاست میں قدم رکھا۔ پچھلی حکومت میں انہیں وزارت خزانہ کا قلم دان بھی سونپا گیا تھا۔

نقطہ نظر

مزید

قارئین کی پسند