تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
کورونا وائرس سے نمٹنے کے لیے چین کی مدد کو تیار ہیں: امارات
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 29 جمادی الثانی 1441هـ - 24 فروری 2020م
آخری اشاعت: پیر 1 جمادی الثانی 1441هـ - 27 جنوری 2020م KSA 08:08 - GMT 05:08
کورونا وائرس سے نمٹنے کے لیے چین کی مدد کو تیار ہیں: امارات
دبئی ۔ العربیہ ڈاٹ نیٹ

متحدہ عرب امارات کے ولی عہد الشیخ محمد بن زاید نے اتوار کے روز اعلان کیا کہ ان کا ملک کورونا وائرس سے نمٹنے کے لیے چین کو مدد فراہم کرنے کے لیے تیار ہے۔

العربیہ ڈاٹ نیٹ کے مطابق امارات کے ولی عہد الشیخ محمد بن زاید نے ٹویٹر پر پوسٹ کردہ ایک ٹویٹ میں کہا کہ "ہم کورونا وائرس کے پھیلاؤ پر قابو پانے کے لیے چینی حکومت کی کوششوں کو دلچسپی سے دیکھ رہے ہیں۔ اس بحران سے نکلنے کے لیے ہم اپنے دوست ملک چین کی بھرپور مدد کریں گے۔ ہمیں چین پر مکمل اعتماد ہے کہ وہ اس مشکل سےجلد ہی باہر نکل آئے گا۔ اس میں متحدہ عرب امارات انسانی ہمدردی کے جذبے کے تحت بیجنگ کی مدد کو تیار ہے"۔

اماراتی نیوز ایجنسی 'ڈبلیو اے ایم' کی رپورٹ کے مطابق متحدہ عرب امارات کے وزیر صحت عبدالرحمن بن محمد العویس نے اتوار کے روز اس بات کی تصدیق کی کہ متحدہ عرب امارات کورونا وائرس کا کوئی کیس موجود نہیں۔ انہوں نے شہریوں پر زور دیا کہ وہ ملک میں وائرس سے بچنے کے لیے ضروری احتیاطی تدابیر اختیار کریں اور اس حوالے سے حکومت نے بھی اہم اقدامات کیے ہیں۔

وزیر صحت نے کل اتوار کو نیشنل ایمرجنسی کرائسز اینڈ ڈیزاسٹر مینجمنٹ ٹیم کے اجلاس کے دوران بتایا کہ نئے کورونری نمونیا وائرس کی آمد کو روکنے کے لیے تمام ضروری حفاظتی اقدامات کیے گئے ہیں۔ انہوں نے شہریوں پر زور دیا کہ ایسے کسی بھی مشکوک کیس کی موجودگی پر فورا ڈاکٹر سے رجوع کریں اور مجاز حکام کو اس حوالے سے مطلع کریں۔

نقطہ نظر

مزید

قارئین کی پسند