تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
میکسیکو میں باراتیوں کو دھڑا دھڑ کرونا وائرس کی تشخیص
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

بدھ 9 ربیع الثانی 1442هـ - 25 نومبر 2020م
آخری اشاعت: بدھ 4 ربیع الاول 1442هـ - 21 اکتوبر 2020م KSA 12:18 - GMT 09:18
میکسیکو میں باراتیوں کو دھڑا دھڑ کرونا وائرس کی تشخیص
العربیہ ڈاٹ نیٹ، ایجنسیاں

میکسیکو کی ایک شادی کی تقریب میں شریک ہونے والے افراد کی خوشیاں اس وقت ماند پڑ گئی جب تقریب کے ایک تہائی شرکاء کو کرونا کی تشخیص ہوگئی۔

میکسیکو حکام کے مطابق سرحدی شہر میکسیکالی میں رواں ماہ کے اوائل میں ہونے والی ایک شادی کی تقریب کے شرکاء میں کرونا وائرس کے کیسز کی تعداد ایک سو تک پہنچ گئی ہے۔

میکسیکو کی ریاست باحا کیلیفورنیا کے وزیر صحت کے مطابق میکسیکو کے اداکار کی شادی کی تقریب میں تقریبا 300 افراد نے شرکت کی تھی۔

مقامی میڈیا کے مطابق وزیر صحت کا کہنا ہے کہ "3 اکتوبر کو ہونے والی شادی کی تقریب میں ماسک پہننے کی پابندی کو یقینی نہیں بنایا گیا تھا اور نہ ہی مہمانان کے جسم کا درجہ حرارت ماپنے کا کوئی انتظام تھا۔" ان کے مطابق "تقریب کے منتظمین نے کرونا وباء کے دوران اتنی بڑی تقریب منعقد کرنے کی اجازت بھی نہیں لی تھی۔"

میکسیکن حکام اس تقریب کی تفتیش میں اس پہلو کا بھی جائزہ لے رہے ہیں کہ آیا تقریب میں شریک کسی شخص کو اس بات کا اندازہ تھا کہ اسے کووڈ 19 ہے یا ہو سکتا ہے۔ میکسیکو کی کچھ ریاستوں میں جان بوجھ کر مرض کو پھیلانا جرم شمار ہوتا ہے۔

مقامی میڈیا میں شائع ہونے والی تصاویر میں شادی کے شرکاء کو ماسک کے بغیر ناچتے دیکھا جا سکتا ہے۔

میکسیکو میں کرونا وائرس کی وباء کے نتیجے میں تقریبا دس لاکھ افراد متاثر ہوچکے ہیں جبکہ 86 ہزار 300 افراد ہلاک ہوچکے ہیں۔

نقطہ نظر

مزید

قارئین کی پسند