تمام حقوق بحق العربیہ نیوز چینل محفوظ ہیں © 2021

دوست کو بھیجئے

بند کیجئے
واشنگٹن: داعش اور الاخوان کے ذیلی گروپوں کے نام دہشت گردی کی عالمی فہرست میں درج
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 24 رجب 1442هـ - 8 مارچ 2021م
آخری اشاعت: جمعہ 1 جمادی الثانی 1442هـ - 15 جنوری 2021م KSA 12:17 - GMT 09:17
واشنگٹن: داعش اور الاخوان کے ذیلی گروپوں کے نام دہشت گردی کی عالمی فہرست میں درج
دبئی – العربیہ ڈاٹ نیٹ

امریکی وزارت خارجہ نے جمعرات کے روز مصر کے صوبے شمالی سیناء میں داعش تنظیم کی شاخ "انصار بيت المقدس" جماعت اور "حرکۃ سواعد مصر" (حسم) تنظیم کا نام دہشت گردی کی عالمی فہرست میں درج کر لیا ہے۔

اس بات کا اعلان وزارت خارجہ کی سرکاری ویب سائٹ پر جاری بیان میں کیا گیا۔

علاوہ ازیں فہرست میں "حسم" تنظیم سے مربوط شخصیات کے نام بھی درج کیے گئے ہیں۔ ان میں علاء السماحی اور یحیی موسی شامل ہیں۔ مصری شہری السماحی کے بارے میں خیال ہے کہ وہ تنظیم کا بانی ہے۔ موسی بھی تنظیم کا ایک رہ نما ہے۔ دونوں شخصیات اس وقت ترکی میں رہ رہے ہیں۔

حرکۃ سواعد مصر جس کو مختصرا "حسم" کے نام سے جانا جاتا ہے یہ 2014ء میں منظر عام پر آئی۔ تنظیم نے قاہرہ اور دریائے نیل کے دہانے پر قتل اور حملوں کی مختلف کارروائیوں بالخصوص پولیس کے خلاف حملوں کی ذمے داری قبول کی تھی۔ مصری حکام کا کہنا ہے کہ یہ تنظیم الاخوان المسلمین جماعت کے زیر انتظام ہے۔

انتظامی اور مالی لحاظ سے "حسم" تنظیم الاخوان کے رہ نما محمد کمال کے دھڑے کے تحت ہے۔ محمد کمال مصری پولیس کے ساتھ ایک جھڑپ میں ہلاک ہو گیا تھا۔ حسم تنظیم اپنی کارروائیاں مصر کے مختلف صوبوں میں انجام دیتی ہے۔ وہ قاہرہ اور الجیزہ میں گھات لگا کر کیے گئے حملوں میں بھی ملوث ہے۔

تنظیم کے اہم ارکان سیکورٹی اداروں کے سامنے بیانات میں دہشت گردی کی مختلف کارروائیوں کا اعتراف کر چکے ہیں۔ اس حوالے سے تنظیم نے سوشل میڈیا پر اپنے صفحات پر کارروائیوں کی تصاویر اور وڈیو کلپس بھی پوسٹ کیے۔

اب تک تنظیم کے 304 ارکان کو عسکری استغاثہ کے سامنے پیش کیا جا چکا ہے۔ ان افراد پر دہشت گردی اور قتل کی 14 مجرمانہ کارروائیوں کے ارتکاب کے الزامات ہیں۔

نقطہ نظر

مزید