امریکی نائب وزیر دفاع نے شام کا دورہ کیا ہے: اسرائیل

اسرائیلی ذرائع ابلاغ کا کہنا ہے کہ کیمیائی اورحیاتیی امور کے ماہر عہد یدار اور نائب امریکی وزیر دفاع انڈر اندروزویبر نے حال ہی میں شام کی شمالی سرحد کے علاقے جبل الشیخ کا دورہ کیا ہے۔ یہ علاقہ شام کی سرحد کا انتہائی حساس اور پیچیدہ علاقہ شمار ہوتا ہے۔ یہ انکشاف لندن سے شائع ہونے والے اخبار’’الحیاۃ‘‘ نے اپنی حالیہ اشاعت میں کیا ہے۔

اسرائیلی ذرائع ابلاغ کے مطابق ویبر فوجی ہیلی کاپٹر پر اپنے چند ساتھیوں کے ہمراہ یہاں پہنچے۔ انہیں علاقے کی حالیہ صورتحال سے آگاہ کیا گیا۔ انہوں نے شمالی قیادت کے عہدیدار سے ایک تفصیلی رپورٹ کی سماعت کی، اسرائیلی خفیہ ایجنسی کے عہدیدار نے انہیں سرحد پر ہونے والی پیشرفت سے آگاہ کیا۔ ان کو اسدی فوج اور انقلابیوں کے درمیان گرم ہونے والے معرکے کی نمائش کی صورتحال سے بھی آگاہ کیا گیا۔

ملاقات سے متعلق آگاہی رکھنے والے اسرائیلی سیٹلائٹ چینل ون کے ترجمان نے بتایا کہ ویبر کے سامنے جو صورتحال رکھی گئی اس میں شامی سرحد پر اسرائیلی فوج کی نگرانی کی چیک پوسٹوں اور کیمیائی ہتھیاروں کے استعمال کی بات بھی کی گئی۔ یاد رہے کہ ان کا یہ دورہ صرف ایک گھنٹہ جاری رہا، اسرائیل میں امریکی سفیر نے اس دورے پراظہار خیال کرنے سے انکار کردیا ہے۔