تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
جبل القہر : سعودی عرب کے جنوب مغرب میں صف بند انوکھے پہاڑ
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

منگل 13 جمادی الثانی 1440هـ - 19 فروری 2019م
آخری اشاعت: جمعہ 11 جمادی الاول 1440هـ - 18 جنوری 2019م KSA 15:19 - GMT 12:19
جبل القہر : سعودی عرب کے جنوب مغرب میں صف بند انوکھے پہاڑ

سعودی عرب کے جنوب مغربی صوبے جازان کے ضلع الریث میں واقع "القہر" کے پہاڑ اپنی انوکھی صورت کے سبب مملکت میں امتیازی اہمیت کے حامل سمجھے جاتے ہیں۔ سُتون کی شکل کے ایک دوسرے سے متصل یہ پہاڑ تنگ وادیوں کے بیچ واقع ہیں جبکہ ان کے اطراف درختوں کے جنگل پھیلے ہوئے ہیں۔

سعودی فوٹوگرافر "حسن حريصی" نے ڈرون کیمرے کی مدد سے ان نا ہموار پہاڑوں تک پہنچ کر ان کے پُر ہیبت اور سحر انگیز مناظر کو محفوظ کر لیا۔ پرانے وقتوں میں یہ جبل زہوان کے نام سے جانا جاتا تھا۔

حسن حریصی کی بنائی گئی وڈیو سوشل میڈیا پر وائرل ہونے کے بعد العربيہ ڈاٹ نیٹ نے سعودی فوٹوگرافر سے بات چیت کی۔ حریصی نے بتایا کہ ان پہاڑوں کی چوٹی تک چڑھنا جان جوکھوں کا کام ہے لہذا انہوں نے پہاڑوں کی پیچیدہ ہیئت کو محفوظ کرنے کے لیے فضائی عکس بندی کا سہارا لیا۔ حریصی کے مطابق مذکورہ علاقے میں پہنچنے پر وہ ان پہاڑوں کی قدرتی صف بندی دیکھ کر حیران رہ گئے جو ایک حسین منظر پیش کر رہے تھے۔

جبل القہر کے مشرق میں پہاڑوں اور وادیوں کا سلسلہ ہے جو اسے ظہران کے ضلع الفرشہ سے علاحدہ کرتا ہے جب کہ مغرب میں متعدد وادیاں ہیں۔ جبل القہر کے شمال میں وادی بیش پڑتی ہے جب کہ جنوب میں جبل الاسود واقع ہے۔

نقطہ نظر

قارئین کی پسند