تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
جوہری معاہدے کے شراکت دار موثر اقدامات کیوں‌ نہیں کر رہے؟ ایرانی وزیر خارجہ چلا اٹھے
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعرات 16 شوال 1440هـ - 20 جون 2019م
آخری اشاعت: ہفتہ 13 رمضان 1440هـ - 18 مئی 2019م KSA 07:40 - GMT 04:40
جوہری معاہدے کے شراکت دار موثر اقدامات کیوں‌ نہیں کر رہے؟ ایرانی وزیر خارجہ چلا اٹھے
ایرانی وزیر خارجہ محمد جواد ظریف۔ [فائل فوٹو]
العربیہ ڈاٹ نیٹ، ایجنسیاں

امریکا کی جانب سے ایران پر نئی پابندیوں کے نفاذ اور یورپی ممالک کی طرف سے ایران کو بچانے کی کوششوں میں ناکامی کے بعد ایرانی وزیر خارجہ نے جوہری پروگرام کے معاہدے میں شامل ممالک پر زور دیا ہے کہ وہ تہران کے ساتھ طے پائے جوہری معاہدے کو بچانے کے لیے زبانی دعووں سے آگے بڑھ کر عملی اقدامات کریں۔

العربیہ ڈاٹ نیٹ یورپی یونین کی طرف سے ایران کے ساتھ تجارتی امور جاری رکھنے کے لیے 'یورپی لائحہ عمل' کے نام سے ایک نیا پروگرام شروع کرنے کا اعلان کیا گیا تھا مگر اب تک ایسے کسی پروگرام پر عمل درآمد نہیں کیا گیا۔ دوسری جانب امریکا کی ایران پر پابندیوں میں سختی کے بعد ایرانی وزیر خارجہ محمد جواد ظریف نے سفارتی کوششیں مزید تیز کردی ہیں۔

کل جمعہ کو چین کے دارالحکومت بیجنگ میں چینی حکام سے ملاقات کے بعد ایک پریس کانفرنس سے خطاب میں جواد ظریف نے جوہری معاہدہ کرنے والے دوست ممالک جس میں یورپی یونین، فرانس، برطانیہ، چین اور روس شامل ہیں، کی 'سست روی' کو تنقید کا نشانہ بنایا۔

انہوں‌ نے کہا کہ اب تک جوہری معاہدے کے شراکت دار ممالک اس معاہدے کو بچانے کے لیے صرف زبانی دعوے کرتے رہے ہیں۔ انہوں‌ نےعملی طور پر کوئی قدم نہیں اٹھایا۔

ایرانی وزارت خارجہ کی طرف سے جواد ظریف کے چین میں خطاب کی ویڈیو نشر کی ہے جس میں‌ وہ دنیا کو ایران کے ساتھ اقتصادی تعلقات کے قیام پر زور دے رہے ہیں۔ ان کا کہنا ہے کہ اگر عالمی برادری، جوہری معاہدے میں شامل ممالک اور چین اور روس جیسے دوست ممالک چاہیں تو جوہری معاہدے کو بچا سکتے ہیں۔ اس حوالے سے ایران کی طرف سے موثر اقدامات کئے گئے مگر معاہدے کے دوسرے شراکت داروں کی طرف سے ابھی تک کوئی موثر قدم نہیں اٹھایا گیا۔

خیال رہے کہ گذشتہ اپریل میں ایرانی وزیر خارجہ نے یورپی یونین پر تنقید کرتے ہوئے کہا تھا کہ ایران پر پابندیوں کے معاملے میں یورپی یونین ناکام رہی ہے۔ امریکا کی جانب سے جوہری سمجھوتے سے علاحدگی اور نئی پابندیوں کے نفاذ کے بعد یورپی ممالک کو حرکت میں آنا چاہیے تھا مگر یورپ کی طرف سے کوئی موثر قدم نہیں اٹھایا گیا۔

نقطہ نظر

مزید

قارئین کی پسند