تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
علاقائی خطرات سے نمٹنے کے لیے سعودی عرب سے رابطے میں ہیں: مصری صدر السیسی
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

اتوار 15 محرم 1441هـ - 15 ستمبر 2019م
آخری اشاعت: ہفتہ 13 رمضان 1440هـ - 18 مئی 2019م KSA 22:06 - GMT 19:06
علاقائی خطرات سے نمٹنے کے لیے سعودی عرب سے رابطے میں ہیں: مصری صدر السیسی
مصری صدر عبدالفتاح السیسی سے قاہرہ میں متعیّن سعودی سفیر اسامہ بن احمد نقلی ملاقات کررہے ہیں۔
قاہرہ ۔ العربیہ ڈاٹ نیٹ

مصر کے صدر عبدالفتاح السیسی نے سعودی عرب کے ساتھ مضبوط تعلقات کے عزم کا اعادہ کیا ہے اور کہا ہے کہ موجودہ درپیش چیلنجز میں دونوں ممالک کے درمیان قریبی رابطے کی ضرورت ہے تاکہ علاقائی سلامتی اورا ستحکام کو لاحق خطرات سے نمٹا جاسکے۔

وہ ہفتے کے روز قاہرہ میں متعیّن سعودی سفیر اسامہ بن احمد نقلی سے گفتگو کررہے تھے۔ انھوں نے سعودی عرب کی حکومت اور عوام کے ساتھ مملکت کی سلامتی اور استحکام کو نقصان پہنچانے کی تمام کوششوں کے خلاف مصر کی جانب سے یک جہتی کا اظہار کیا۔

مصری ایوانِ صدر کے ترجمان بسام راضی نے ایک بیان میں بتایا ہے کہ سعودی سفیر نے ملاقات میں شاہ سلمان بن عبدالعزیز اور ولی عہد شہزادہ محمد بن سلمان کا نیک خواہشات کا پیغام صدر عبدالفتاح السیسی کو پہنچایا ہے ۔

انھوں نے مصری صدر کو مئی کے آخر میں مکہ مکرمہ میں اسلامی تعاون تنظیم کے آیندہ چودھویں سربراہ اجلاس میں شرکت کی دعوت بھی دی ہے۔

واضح رہے کہ مصر کی وزارت خارجہ نے گذشتہ منگل کے رو ز سعودی عرب میں تیل کے دو پمپنگ اسٹیشنوں پر بارود سے لدے ڈرون طیاروں کے حملوں کی مذمت کی تھی اور سعودی عرب کی سلامتی اور استحکام کو نقصان پہنچانے کی تمام کوششوں سے نمٹنے کے لیے مملکت کے ساتھ یک جہتی کا اظہار کیا تھا۔ ایران کے حمایت یافتہ حوثی شیعہ باغیوں نے ان ڈرون حملوں کی ذمے داری قبول کرنے کا دعویٰ کیا تھا۔

نقطہ نظر

مزید

قارئین کی پسند