تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
"الثویرات کے گلزار" سعودی عرب میں ریت کے بیچ عجوبے
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

ہفتہ 15 ذوالحجہ 1440هـ - 17 اگست 2019م
آخری اشاعت: منگل 20 ذیعقدہ 1440هـ - 23 جولائی 2019م KSA 14:23 - GMT 11:23
"الثویرات کے گلزار" سعودی عرب میں ریت کے بیچ عجوبے
العربیہ ڈاٹ نیٹ ـ محمد الحربی

سعودی عرب میں "نفود الثویرات" کا صحرا حائل کے مشرق سے لے کر القصیم کے مشرق اور جنوب تک پھیلا ہوا ہے۔ یہ الزلفی شہر کے اطراف میں بھی آتا ہے۔ یہاں ریت کے ٹیلوں کے درمیان آباد علاقے بھی ہیں۔ اس کے بعض حصوں کو "صعافيق" کا نام دیا گیا ہے کیوں کہ یہاں ریت کے ٹیلے واضح طور پر نظر نہیں آتے۔

  • KSA: Desert
  • KSA: Desert

نفود الثویرات کے وسط میں سیکڑوں چھوٹے نخلستان پائے جاتے ہیں۔ ان میں سے بعض تو آبادی رکھنے والے چھوٹے سے گاؤں کی صورت اختیار کر چکے ہیں جب کہ دیگر بعض آبادی کے کوچ کر جانے کے سبب معدوم ہو گئے۔

الزلفی کا شمار سعودی عرب میں سب سے زیادہ ریت میں گھرے شہروں میں ہوتا ہے۔ الزلفی نجد کے پہاڑی علاقے میں واقع ہے جہاں اس کے بعض تاریخی مقامات ابھی تک محفوظ ہیں۔

  • KSA: Desert
  • KSA: Desert

اس کے علاوہ القصیم کے جنوب میں واقع المذنب شہر بھی نفود الثویرات کے ایک حصے تک پھیلا ہوا ہے۔ اس طرح الزلفی اور المذنب سعودی عرب کے وہ دو شہر ہیں جو نفود کے ریتیلے علاقے یا ریت میں نخلستانوں کے سب سے قریب واقع ہیں۔

مملکت میں ٹور آپریٹرز کی جانب سے مذکورہ نخلستانوں کے لیے سیاحتی سفر کا بھی انتظام کیا جاتا ہے۔ ریت کے سمندر کے بیچ چھوٹے سے سبزہ زار کا منظر لطف اندوزی کا ذریعہ بنتا ہے۔ تاہم ان نخلستانوں میں بہت سی خدمات کی قلت ہے۔ صحرا کے بیچ خوب صورت منظر کے سوا یہ ابھی تک سیاحوں کی توجہ کا مرکز بننے کے حوالے سے اہم امور سے محروم ہے۔

  • KSA: Desert
  • KSA: Desert

ٹور آپریٹرز کے نزدیک گرمیوں میں یہاں کا سفر نہایت تھکا دینے والا ہے۔ اس لیے کہ یہ علاقہ آنے والوں کے استقبال کے انتظامات سے خالی ہے۔ تاہم بعض لوگ ان مقامات کی تصاویر دیکھ کر وہاں جانے پر اصرار کرتے ہیں۔

الزلفی میں آثار قدیمہ کے ایک ماہر خلیف العید کا کہنا ہے کہ اس صحرائی علاقے کی تاریخ بہت بڑی ہے۔ نفود الثویرات میں ٹیلوں کے بیچ آباد علاقے اس کو بسانے والوں کے نام سے منسوب کر دیے گئے۔ ان میں سے بعض نام اب بھی برقرار ہیں۔ بعض علاقے رقبے میں بڑے ہو کر گاؤں بن گئے جہاں آبادی بھی بڑھ گئی جب کہ بعض دیگر مقامات سے لوگ ہجرت کر گئے اور وہاں صرف چند تعمیرات یا خدوخال باقی رہ گئے۔

  • KSA: Desert
  • KSA: Desert

العید کے مطابق الزلفی اور القصیم کے درمیان پھیلے صحرا نفود الثویرات میں کثرت سے نخلستان اور گلزار پائے جاتے ہیں۔ ان میں بعض کو وہاں کے رہنے والوں نے زندگی بخشی اور وہ سرخ ریت کے بیچ اب بھی خوب صورت اور سبز نظر آتے ہیں۔

العید کا کہنا ہے کہ ان نخلستانوں یا گلزاروں کو مزید توجہ اور سرمایہ کاری کی ضرورت ہے تا کہ یہ مقام فطرت اور صحرا کے چاہنے والوں کی آنکھوں کا مرکز بنے۔

نقطہ نظر

مزید

قارئین کی پسند