تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
شام: ادلب میں ترکی کی سب سے بڑی چیک پوسٹ بشار کی فوج کے محاصرے میں
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 16 محرم 1441هـ - 16 ستمبر 2019م
آخری اشاعت: جمعہ 21 ذوالحجہ 1440هـ - 23 اگست 2019م KSA 14:01 - GMT 11:01
شام: ادلب میں ترکی کی سب سے بڑی چیک پوسٹ بشار کی فوج کے محاصرے میں
ترکی سے ملحقہ شام کے سرحدی علاقے کی ایک تصویر
العربیہ ڈاٹ نیٹ، ایجنسیاں

شام میں بشار کی فوج نے جمعے کو علی الصبح حماہ کے دیہی علاقے میں کفرزیتا قصبے اور مورک گاؤں میں ترکی کے عسکری چیک پوائنٹ کے مشرق میں واقع ٹیلوں پر کنٹرول حاصل کر لیا۔

شام میں انسانی حقوق کے سب سے بڑے نگراں گروپ المرصد کے مطابق شامی فوج جمعے کے روز ادلب کے جنوب میں واقع ترکی کے عسکری چیک پوائنٹ کا محاصرہ کر لینے میں کامیاب ہو گئی۔

یہ ادلب اور اس کے اطراف میں سب سے بڑا چیک پوائنٹ شمار ہوتا ہے جہاں مجموعی طور پر ترکی کی فوج کے 12 ٹھکانے موجود ہیں۔ ان چیک پوائنٹس کا قیام ترکی اور روس کے درمیان طے پانے والے ایک معاہدے کے تحت عمل میں آیا ہے۔

جمعے کے روز شمالی حماہ کے دیہی علاقے میں شامی حکومت کی فورسز کے ہاتھ میں آنے والے اہم ترین قصبوں میں اللطامنہ اور كفرزيتا ہیں جو 2012 سے شامی اپوزیشن کے گروپوں کے کنٹرول میں تھے۔

المرصد کے ڈائریکٹر رامی عبدالرحمن نے فرانسیسی خبر رساں ایجنسی کو بتایا کہ بشار کی فوج نے اس وقت مورک میں ترکی کی عسکری چیک پوائنٹ کو محاصرے میں لے رکھا ہے۔ اس سے قبل شامی فوج نے ادلب کے جنوب میں حماہ کے شمالی دیہی علاقے کے اندر محصور پٹی میں واقع تمام دیہات اور قصبوں پر کنٹرول حاصل کر لیا تھا۔

اسی طرح المرصد نے مزید بتایا کہ کفرزیتا اور اللطامنہ کے قصبوں کو کنٹرول میں لینے کے بعد 5 اگست کو فائر بندی ختم ہونے کے وقت سے روسی فوج کی معاونت کے ذریعے بشار کی فوج کے پاس واپس آنے والے علاقوں میں اضافہ ہو گیا ہے۔ اب تک شامی فوج کے کنٹرول میں آنے والے علاقوں میں الاربعین، الزکات، الصخر، الجیسات، الصیاد، تل الصیاد، خان شیخون، السکیک، ترعی، الہیبط، عابدین، مغر الحمام، مغر الحنطہ، کفرعین، عاس، مدایا، المردم اور المنطار ، کفریدون اور الصباغیہ کے کھیت شامل ہیں۔

نقطہ نظر

مزید

قارئین کی پسند