تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
شام میں ایرانی ملیشیاؤں نے ہمیں راکٹوں سے نشانہ بنانے کی کوشش کی : اسرائیلی فوج
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

ہفتہ 19 صفر 1441هـ - 19 اکتوبر 2019م
آخری اشاعت: پیر 9 محرم 1441هـ - 9 ستمبر 2019م KSA 13:45 - GMT 10:45
شام میں ایرانی ملیشیاؤں نے ہمیں راکٹوں سے نشانہ بنانے کی کوشش کی : اسرائیلی فوج
دبئی – العربیہ ڈاٹ نیٹ

اسرائیلی فوج نے پیر کے روز ایک اعلان میں بتایا ہے کہ القدس فورس کے زیر قیادت ایرانی ملیشیاؤں نے دمشق کے بیرونی اطراف سے اسرائیلی اراضی پر راکٹ داغنے کی کوشش کی تاہم یہ کوشش ناکام رہی۔

اسرائیلی فوج نے تصدیق کی ہے کہ پیر کی صبح شام سے متعدد راکٹ داغے گئے تاہم ان میں سے کوئی بھی اسرائیل کے اندر نہیں پہنچ سکا۔

اسرائیلی فوج نے شامی اراضی سے کی گئی ہر کارروائی کا ذمے دار بشار حکومت کو ٹھہرایا۔

اس حوالے سے اسرائیلی فوج کے ترجمان افخائے ادرعی نے اپنی ٹویٹ کے ذریعے شامی حکومت کو خبردار کیا کہ "اس نے ایرانیوں اور شیعہ ملیشیاؤں کو اس بات کی کھلی اجازت دے رکھی ہے کہ وہ شامی اراضی کے اندر سے کارروائیاں کریں۔ شامی حکومت نے اپنی آنکھیں موند رکھی ہیں یہاں تک کہ وہ ان کے ساتھ تعاون کر رہی ہے"۔

اس سے قبل اسرائیل نے اعلان کیا تھا کہ اس کی فضائیہ نے اتوار اور پیر کی درمیانی شب شام کے مشرقی حصے میں ایرانی فورسز اور ان کے ہمنوا گروپوں کو حملوں کا نشانہ بنایا۔ شام میں انسانی حقوق کے نگراں گروپ المرصد کے مطابق کارروائی میں 18 جنگجو مارے گئے۔ المرصد نے فوری طور پر حملہ کرنے والے فریق کا تعین نہیں کیا۔

اسرائیل اب تک شام میں ایران اور حزب اللہ کے اہداف پر سیکڑوں حملے کر چکا ہے تاہم اس نے بہت ہی کم ان کارروائیوں کا اعتراف کیا ہے۔

اسرائیل اس عزم کا اظہار کرتا رہا ہے کہ وہ شام میں ایران کے عسکری وجود کو قدم جمانے نہیں دے گا۔

نقطہ نظر

مزید

قارئین کی پسند