تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
یمن: نہم میں حوثیوں کے ڈیتھ بریگیڈ کا سربراہ ہلاک ، بقیہ عناصر نے ہتھیار ڈال دیے
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

منگل 1 رجب 1441هـ - 25 فروری 2020م
آخری اشاعت: منگل 25 جمادی الاول 1441هـ - 21 جنوری 2020م KSA 08:22 - GMT 05:22
یمن: نہم میں حوثیوں کے ڈیتھ بریگیڈ کا سربراہ ہلاک ، بقیہ عناصر نے ہتھیار ڈال دیے
دبئی – العربیہ ڈاٹ نیٹ

یمن کے دارالحکومت صنعاء کے مشرق میں نہم کے محاذ پر یمنی عسکری ذرائع نے آج منگل کے روز بتایا ہے کہ حوثی ملیشیا کے ایک ذیلی گروپ "كتيبۃ الموت" (ڈیتھ بریگیڈ) نے یمنی فوج کے سامنے ہتھیار ڈال کر خود کو حوالے کر دیا ہے۔ یہ پیش رفت بریگیڈ کے سربراہ کمانڈر جابر المؤيد ، نہم کے محاذ پر بھرتی کے ذمے دار حوثی رہ نما یحیی محمد ناصر اور درجنوں حوثی جنگجوؤں کی ہلاکت کے بعد سامنے آئی۔

ذرائع نے تصدیق کی ہے کہ نہم کے محاذ پر تین گھنٹے سے زیادہ جاری رہنے والی لڑائی کے دوران ڈیتھ بریگیڈ کو محاصرے میں لے لیا گیا تھا جس پر آخر کار بریگیڈ کے بقیہ ارکان خود کو یمنی فوج کے حوالے کر دینے پر مجبور ہو گئے۔

حوثیوں کی کمر توڑ دینے والے اس کاری وار سے قبل یمنی فوج نے پیر کے روز اعلان کیا تھا کہ اس نے نہم کے محاذ پر حوثیوں کے زیرِ قبضہ پہاڑی سلسلے کو آزاد کرا لیا .. اور باغیوں کے بھاری جانی نقصان اور فرار ہونے کے بیچ یمنی فوج کی پیش قدمی جاری ہے۔

یمنی فوج کے میڈیا سینٹر نے ایک وڈیو کلپ بھی جاری کیا ہے جس میں نہم کے محاذ پر حوثیوں کے خلاف لڑائی کے مناظر موجود ہیں۔

نقطہ نظر

مزید

قارئین کی پسند