تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
سلیمانی کی صاحب زادی بیروت میں حزب اللہ کی مہمان:ویڈیو
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعرات 3 رجب 1441هـ - 27 فروری 2020م
آخری اشاعت: اتوار 30 جمادی الاول 1441هـ - 26 جنوری 2020م KSA 07:22 - GMT 04:22
سلیمانی کی صاحب زادی بیروت میں حزب اللہ کی مہمان:ویڈیو
دبئی ۔ العربیہ ڈاٹ نیٹ

تین جنوری کو بغداد کے بین الاقوامی ہوائی اڈے کے قریب امریکی ڈرون حملے میں ہلاک ہونے والے ایرانی پاسداران انقلاب کے جنرل قاسم سلیمانی کی بیٹی زینب سلیمانی کو جنوبی بیروت میں حزب اللہ کے گڑھ میں دیکھا گیا ہے۔

سوشل میڈیا پروائرل ہونے والی ویڈیو میں زینب کو ایک تقریب سے خطاب کرتے دیکھا جاسکتا ہے جس میں وہ اپنے والد کے قتل کا بدلہ لینے کی اپیل کررہی ہیں۔

قاسم سلیمانی کے زیرکمان رہنے والی القدس ملیشیا اور حزب اللہ کے درمیان تعلق کسی سے مخفی نہیں۔ یہ اسی تعلق کا نتیجہ ہے کہ سلیمانی کی بیٹی آج بیروت میں حزب اللہ کی مہمان بنی ہے۔

دو روز قبل بیروت میں حزب اللہ کے خواتین ونگ کی طرف سے منعقدہ ایک تقریب سے خطاب میں زینب سلیمانی نے اپنے والد کے قتل کو واجب قرار دیا۔ انہوں نے کہا کہ 'آپ ہمارے ساتھ ہیں اور ہم آپ کے ساتھ'۔

انہوں نے مزید کہا کہ میں اس وقت قاسم سلیمانی کے لیے آپ کے پاس آئی ہوں۔ حزب اللہ کے بہادر جنگجوئوں نے ایرانی نواجوانوں کو حوصلہ اور جرات دی ہے۔

اس نے مزید کہا کہ آپ دشمنوں کو ان کے اہداف کے حصول میں روکتے ہیں۔ یہی کام قاسم سلیمانی بھی کرتے تھے۔

سلیمانی کی بیٹی نے حزب اللہ کے سربراہ حسن نصراللہ سے کہا کہ وہ ان کے والد کے قتل کا بدلہ لیں۔ اس سے قبل وہ کرمان شاہ میں آئے حزب اللہ کے لیڈر کو اپنے والد کے جنازے کے موقع پربھی یہ اپیل کرچکی ہیں۔

زینب نے کہا تھا کہ 'میرے عزیز چچا جان حسن نصراللہ آپ کو ہمارا سلام، مجھے امید ہے کہ حسن نصراللہ میرے والد کے خون کا بدلہ لیں گے'۔

نقطہ نظر

مزید

قارئین کی پسند