تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
وڈیو: ایران میں مسافر طیارہ رن وے سے پھسل کر سڑک پر آ گیا
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 29 جمادی الثانی 1441هـ - 24 فروری 2020م
آخری اشاعت: پیر 1 جمادی الثانی 1441هـ - 27 جنوری 2020م KSA 10:14 - GMT 07:14
وڈیو: ایران میں مسافر طیارہ رن وے سے پھسل کر سڑک پر آ گیا
دبئی – العربیہ ڈاٹ نیٹ

ایران میں مقامی میڈیا نے بتایا ہے کہ الاہواز صوبے میں ایک مسافر طیارہ رن وے پر اترتے وقت اپنے راستے سے پھسل کر ہوائی اڈے سے ملحق ایک سڑک پر آ گیا۔ یہ واقعہ پیر کی صبح معشور شہر میں پیش آیا۔

ایرانی پاسداران انقلاب کے زیر انتظام فضائی کمپنی Caspian Airlines کا طیارہ دارالحکومت تہران سے آ رہا تھا اور اس میں 130 مسافر سوار تھے۔ ایرانی ذمے داران کے مطابق واقعے میں کوئی مسافر زخمی نہیں ہوا۔

سوشل میڈیا پر وائرل ہونے والی تصاویر اور وڈیوز میں مسافروں کو افراتفری کے عالم میں سیڑھی کے بغیر براہ راست جہاز سے اترتے ہوئے دیکھا جا سکتا ہے۔

ہوائی اڈے کے ذمے داران کے مطابق طیارہ "فنی خرابی" کے سبب ٹھیک طرح سے رن وے پر نہیں اتر سکا۔

اس سے قبل اتوار کے روز بھی ایک مسافر طیارہ تہران کے مہرآباد ہوائی اڈے پر ہنگامی لینڈنگ پر مجبور ہو گیا تھا۔ یہ طیارہ ترکی کے شہر استنبول جا رہا تھا۔ ایرانی خبر رساں ایجنسی ISNA کے مطابق مذکورہ ایئربس طیارہ "ايران ایئر ٹور" فضائی کمپنی کا تھا اور فنی خرابی کے باعث واپس تہران لوٹ گیا۔

یہ حادثات اور واقعات ایسے وقت سامنے آ رہے ہیں جب 8 جنوری کو ایرانی پاسداران انقلاب کے میزائلوں کے ذریعے یوکرین کے ایک مسافر طیارے کو مار گرائے جانے کے حوالے سے تحقیقات جاری ہیں۔ حادثے میں طیارے میں سوار تمام 176 افراد ہلاک ہو گئے تھے۔

نقطہ نظر

مزید

قارئین کی پسند