تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
سعودی عرب: گھریلو ناچاقی پرشوہر نے گھرکو آگ لگا دی، بیوی جھلس کر زخمی
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعرات 8 شعبان 1441هـ - 2 اپریل 2020م
آخری اشاعت: جمعہ 26 جمادی الثانی 1441هـ - 21 فروری 2020م KSA 07:46 - GMT 04:46
سعودی عرب: گھریلو ناچاقی پرشوہر نے گھرکو آگ لگا دی، بیوی جھلس کر زخمی
العربیہ ڈاٹ نیٹ ۔ نایف العریشی

سعودی عرب کے جنوبی علاقے جازان میں ایک گائوں میں گھریلو ناچاقی کے واقعے کے بعد شوہر نےاپنے مکان کو آگ لگا دی جس کے نتیجے میں گھر میں موجود اس کی بیوی بری طرح جھلس گئی۔

العربیہ ڈاٹ نیٹ کے مطابق جازان پولیس کے ترجمان نے بتایا کہ صلیبہ گائوں میں گذشتہ منگل کے روز ایک گھر میں میاں بیوی کے درمیان کسی بات پر جھگڑا ہوا۔ اس جھگڑے کے دوران شوہرنے بیوی پر تشدد کیا اور اس کے بعد گھر کو آگ لگا دی۔ آتش زدگی کی اطلاع ملتے ہی پولیس اور ریسکیو حکام جائے وقوعہ پر پہنچ گئے۔ آتش زدگی سے خاتون بری طرح جھلس گئی جب کہ اس کا شوہربھی معمولی زخمی ہوا ہے۔ دونوں کو اسپتال منتقل کردیا گیا ہے۔

پولیس ترجمان نے بتایا کہ ابتدائی تحقیقات سے پتا چلا ہےکہ مکان کوآگ شوہر نے بیوی سے جھگڑے کے بعد لگائی تھی۔ ضروری طبی معائنے کے بعد شوہر کو تفتیش کے لیے گرفتار کرلیا گیا ہے اور اس کے خلاف قانونی کارروائی شروع کردی گئی ہے۔

ادھرجازان کے محکمہ صحت کے ترجمان محمد دراج نے بتایا کہ آتش زدگی سے خاتون کا 50 فی صد جسم جھلس گیا ہے۔ اسے اسپتال میں مصنوعی آکسیجن فراہم کی جا رہی ہے تاہم اب اس کی حالت کچھ بہتر ہے۔ ترجمان کا کہنا تھا کہ خاتون کے چہرے اور جسم کے بعض دوسرے جھلسے حصوں کی پلاسٹک سرجری کرائی جائے گی۔

 

نقطہ نظر

مزید

قارئین کی پسند