تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
افغانستان نے مہاجرین کو دریا میں ڈبو کرہلاک کرنے کے ثبوت ایران کے حوالے کر دیے
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعرات 5 ربیع الاول 1442هـ - 22 اکتوبر 2020م
آخری اشاعت: جمعرات 5 شوال 1441هـ - 28 مئی 2020م KSA 07:25 - GMT 04:25
افغانستان نے مہاجرین کو دریا میں ڈبو کرہلاک کرنے کے ثبوت ایران کے حوالے کر دیے
دبئی ۔ العربیہ ڈاٹ نیٹ

گذشتہ روز ایک اعلی سطحی ایرانی وفد نے افغان تارکین وطن کی وجہ سے ایرانی سرحدی محافظوں کو معزول کرنے کے معاملے پر تبادلہ خیال کرنے کے لیے کابل کا دورہ کیا۔

ایرانی وزارت خارجہ کے وفد کی قیادت اسسٹنٹ وزیر محسن بہاروند کر رہے تھے۔ اس وفد نے کابل میں قائم مقام افغان وزیر خارجہ حنیف اتمر سے اس واقعے پر تبادلہ خیال کیا۔ ایرانی وفد اور افغان عہدیداروں کے درمیان ہونے والی بات چیت میں چند ہفتے قبل ایرانی بارڈر سیکیورٹی فورسز کے ہاتھوں درجنوں تارکین وطن کو زندہ دریا برد کرنے کے معاملے پر بات چیت کی گئی۔ ذرائع کے مطابق افغان حکام نے ایرانی وفد کو مہاجرین کو دریا میں ڈبونے میں ایرانی بارڈر فورسز کے ملوث ہونے کے ثبوت فراہم کیے۔

اتمر نے وفد کے ساتھ اس واقعے میں افغان فریق کی طرف سے کی جانے والی تحقیقات کے مختلف مراحل اور اس تک پہنچنے والے دستاویزات پر بات چیت کی۔

اتمر نے ایرانی حکومت سے مشترکہ تحقیقات پر زیادہ توجہ دینے کا مطالبہ کیا۔

بیان میں کہا گیا ہے کہ ملاقات کے دوران ایرانی عہدیار بہار وند نے اس واقعے کی مذمت کرتے ہوئے کہا ہے کہ ایرانی عوام اور حکومت کی جانب سے اس فعل کو مسترد کردیا گیا ہے۔

انہوں نے زور دے کر کہا کہ تہران اس واقعے کا مطالعہ کرنے اور انصاف کو یقینی بنانے کے لیے افغان فریق کے ساتھ مشترکہ طور پر آگے بڑھنے کے لئے پرعزم ہے۔

نقطہ نظر

مزید

قارئین کی پسند