تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
ترکوں کی دراندازی روکنے کے لیے عراق نے سرحد پر چوکیاں قائم کر دیں
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعرات 23 ذوالحجہ 1441هـ - 13 اگست 2020م
آخری اشاعت: ہفتہ 13 ذیعقدہ 1441هـ - 4 جولائی 2020م KSA 07:23 - GMT 04:23
ترکوں کی دراندازی روکنے کے لیے عراق نے سرحد پر چوکیاں قائم کر دیں
فائل فوٹو
العربیہ ڈاٹ نیٹ ۔ ایجنسیاں

عراق کی مسلح افواج نے ترکی کی سرحد سے متصل علاقوں میں اضافی نفری تعینات کرنے کے ساتھ ترکوں کی دراندازی روکنے کے لیے مزید چوکیاں قائم کرنا شروع کی ہیں۔

العر بیہ ڈاٹ نیٹ کے مطابق عراق کی سیکیورٹی فورسز کے عہدیداروں نے جمعہ کے روز بتایا کہ فوج نے ترکی کی سرحد پر ترک فوج کی درندازی روکنے کے لیے اضافی چیک پوسٹیں قائم کی ہیں۔ یہ اقدام ترکی کی جانب سے عراق میں کرد باغیوں کے ٹھکانوں پر دو ہفتےسے جاری بمباری کے بعد کیا ہے۔ ترک فوج شمالی عراق میں صوبہ کردستان میں کردوں کے خلاف آپریشن جاری رکھے ہوئے ہے۔

عراقی حکام نے بتایا کہ فوج نے ترکی کی سرحد سے متصل علاقوں میں دراندازی روکنے کے لیے کم سے کم 12 چیک پوسٹیں قائم کی ہیں۔ یہ چیک پوسٹیں کردستان ورکرز پارٹی کے ارکان کے تعاقب اور ترک فوج کی سرحدی دراندازی روکنے کے لیے قائم کی گئی ہیں۔

خیال رہے کہ ترکی کا دعویٰ ہے کہ شمالی عراق کے صوبہ کردستان میں کرد باغیوں نے اپنے ٹھکانے بنا رکھے ہیں جو ترکی سے علاحدگی کی تحریک چلانے کے ساتھ ساتھ ترکی پر حملے بھی کرتے ہیں۔ ترکی نے سترہ جون کو شمالی عراق میں کرد باغیوں کے خلاف فوجی آپریشن شروع کیا تھا۔

ترکی کے جنگی طیاروں کی کردستان میں بمباری سے کرد باغیوں کے علاوہ عام شہری بھی جاں بحق ہوئے ہیں۔ ترک طیاروں کی بم باری سے فوت ہونے والے عام شہریوں کی تعداد چھ بتائی جاتی ہے۔

نقطہ نظر

مزید

قارئین کی پسند