تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
نواز شریف کی زیرصدارت قومی سلامتی کمیٹی کا اجلاس
اجلاس میں سیکیورٹی اور علاقائی امور پر تبادلہ خیال کیا گیا
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

بدھ 14 شعبان 1441هـ - 8 اپریل 2020م
آخری اشاعت: جمعرات 16 جمادی الثانی 1435هـ - 17 اپریل 2014م KSA 13:07 - GMT 10:07
نواز شریف کی زیرصدارت قومی سلامتی کمیٹی کا اجلاس
اجلاس میں سیکیورٹی اور علاقائی امور پر تبادلہ خیال کیا گیا
ماضی میں منعقدہ قومی سلامتی کمیٹی کے ایک اجلاس کا منظر: فائل فوٹو
اسلام آباد ۔ العربیہ ڈاٹ نیٹ اردو، ایجنسیاں

وزیراعظم پاکستان میاں محمد نواز شریف کی زیر صدارت قومی سلامتی سے متعلق کابینہ کمیٹی کا ہنگامی اجلاس تین گھنٹے سے زائد جاری رہنے کے بعد ختم ہوگیا ہے جس میں ملک کی موجودہ سیکیورٹی اور علاقائی صورتحال اور طالبان کی جانب سے جنگ بندی نہ کرنے کے اعلان پر تبادلۂ خیال کیا گیا۔

ذرائع کے مطابق اس اجلاس میں حکومت اور طالبان کے درمیان مذاکراتی عمل میں پیش رفت اور اس کے مستقبل پر بھی غور کیا گیا۔

کابینہ کے ذرائع یہ بھی بتاتے ہیں کہ اجلاس میں گزشتہ کچھ ہفتوں سے سول اور ملٹری قیادت کے درمیان کشیدگی پر بات چیت ہوئی۔

واضح رہے کہ ایک روز قبل ہی وزیر اعظم نواز شریف اور سابق صدارت آصف زرداری کے درمیان ہونے والے ایک اہم ملاقات میں دونوں رہنماؤں نے اس عزم کا اظہار کیا تھا کہ وہ ملک کو درپیش چیلنجز سے نمٹنے کی خاطر تمام قومی اداروں کو مضبوط بنانے کے لیے ان کا احترام کریں گے۔

اس اجلاس میں وفاقی وزیرِ داخلہ چوہدری نثار علی خان، وزیر دفاع خواجہ آصف، وزیر خزانہ اسحاق ڈار، وزیراعظم کے مشیر برائے قومی سلامتی سرتاج عزیز کے علاوہ چیف آف آرمی اسٹاف جنرل راحیل شریف، ڈائریکٹر جنرل آف انٹر سروسز انٹیلیجنس ( آئی ایس آئی، اور ڈائریکٹر جنرل آف انٹیلیجنس بیورو آفتاب سلطان نے بھی شرکت کی۔

خیال رہے کہ وزیراعظم کی جانب سے یہ اہم اجلاس ایک ایسے وقت طلب کیا گیا کہ جب گذشتہ روز تحریک طالبان پاکستان (ٹی ٹی پی) نے جنگ بندی میں توسیع نہ کرنے کے فیصلے کا اعلان کرتے ہوئے کہا تھا کہ حکومت عسکریت پسند تنظیم کی جانب سے چالیس دنوں سے زیادہ جنگ بندی کا مثبت جواب دینے میں ناکام رہی ہے۔

اعلیٰ سطح کے اس اہم اجلاس میں پڑوسی ملک افغانستان میں اس مہینے ہوئے صدارتی انتخابات کے بعد کی صورتحال پر بھی بریفنگ دی گئی۔

نقطہ نظر

مزید

قارئین کی پسند