تمام حقوق بحق العربیہ نیوز چینل محفوظ ہیں © 2019

دوست کو بھیجئے

بند کیجئے
کشمیر تنازع کے حوالے سے ٹرمپ کا مودی اور عمران خان سے پھر رابطہ
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 16 محرم 1441هـ - 16 ستمبر 2019م
آخری اشاعت: منگل 18 ذوالحجہ 1440هـ - 20 اگست 2019م KSA 08:28 - GMT 05:28
کشمیر تنازع کے حوالے سے ٹرمپ کا مودی اور عمران خان سے پھر رابطہ
دائی سے: مودی، عمران خان اور ڈونلڈ ٹرمپ: فوٹو بشکریہ ہیرالڈ
ایجنسیاں

وزیر خارجہ شاہ محمود قریشی نے کہا ہے کہ امریکی صدر ڈونلڈ ٹرمپ نے وزیر اعظم عمران خان سے بات چیت کی ہے، اس سے پہلے صدر ٹرمپ کی بھارتی وزیر اعظم نریندر مودی سے بھی بات چیت ہوئی۔

ایک بیان میں وزیر خارجہ نے کہا کہ ڈونلڈ ٹرمپ کی مودی سے بات چیت سے پہلے بھی 16 اگست کو عمران خان کی ٹرمپ سے فون پر بات ہوئی تھی، اس گفتگو میں صدر ٹرمپ نے عمران خان سے کہا تھا کہ وہ مودی سے بات کریں گے۔

انہوں نے کہا ہے کہ آج امریکی صدر نے نریندر مودی سے بات کی، ٹرمپ نے مودی سے کہا کہ خطے کا امن برقرار رہنا چاہیے اور انہوں نے عمران خان کو اس سے آگاہ کیا۔

وزیر خارجہ نے کہا کہ آج وزیر اعظم عمران خان نے صدر ٹرمپ کو مودی کے اقدام کی وجہ سے خطے کو لاحق صورتحال سے آگاہ کیا، وزیر اعظم نے صدر ٹرمپ سے کہا کہ مودی سرکار کے 5اگست کے یک طرفہ اقدام سے خطے کے امن و امان کو خطرات نے دوچار کر دیا ہے۔

شاہ محمود قریشی نے مزید کہا کہ عمران خان نے ٹرمپ کو بتایا کہ مودی کے اقدامات کے پیچھے مسلم اکثریت کے علاقے کو اقلیت میں بدلنے کی سوچ کارفرما تھی۔

انہوں نے کہا کہ مقبوضہ کشمیر میں 15 دن سے کرفیو نافذ ہے جس کی وجہ سے شدید انسانی بحران پیدا ہوچکا ہے، وزیر اعظم عمران خان نے صدر ٹرمپ سے اس بحران کا حل نکالنے کا کہا ہے۔

انہوں نے کہا کہ عمران خان نے امریکی صدر کو بتایا کہ ہندوستان کے یہ یکطرفہ اقدامات بین الاقوامی قوانین اور اقوام متحدہ کی قراردادوں کی نفی کرتے ہیں۔

ادھر وائٹ ہاؤس نے کہا ہے کہ امریکی صدر ڈونلڈ ٹرمپ نے بھارتی وزیر اعظم نریندر مودی کو فون کرکے پاک بھارت تناؤ کم کرنے اور خطے میں امن قائم رکھنے کی ضرورت پر زور دیا۔

ترجمان وائٹ ہاؤس ہوگن گڈلے کے مطابق ڈونلڈ ٹرمپ نے بھارتی وزیراعظم سے تناؤ کم کرنے کی ضرورت پر زور دیا۔ ہوگن گڈلے کے مطابق دونوں رہنماؤں کے درمیان معاشی اور تجارتی تعلقات اور دوبارہ ملاقات کرنے کے حوالے سے بھی تبادلہ خیال کیا گیا۔

نقطہ نظر

مزید

قارئین کی پسند