تمام حقوق بحق العربیہ نیوز چینل محفوظ ہیں © 2020

دوست کو بھیجئے

بند کیجئے
وزیراعظم پاکستان کی ایک روزہ سرکاری دورے پر سعودی عرب آمد
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

جمعہ 28 جمادی الاول 1441هـ - 24 جنوری 2020م
آخری اشاعت: ہفتہ 16 ربیع الثانی 1441هـ - 14 دسمبر 2019م KSA 14:39 - GMT 11:39
وزیراعظم پاکستان کی ایک روزہ سرکاری دورے پر سعودی عرب آمد
اپنے سرکاری دورے کے پہلے مرحلے میں وزیر اعظم مدینہ پہنچے ہیں۔
ایجنسیاں

پاکستان کے وزیراعظم عمران خان ایک روزہ دورے پر سعودی عرب پہنچ گئے۔ اپنے سرکاری دورے کے پہلے مرحلے میں وزیر اعظم مدینہ پہنچے ہیں جہاں شاہی ٹرمینل پر مدینہ کے ڈپٹی گورنر وحیب السہلی اور جدہ میں پاکستان کے قونصل جنرل خالد مجید نے ان کا استقبال کیا۔

وزیراعظم ہاؤس سے جاری بیان کے مطابق وزیراعظم اپنے دورے میں سعودی قیادت سے ملاقاتوں میں دو طرفہ تعلقات اور خطے میں ہونے والی پیش رفت پر بات چیت کریں گے۔

ریڈیو پاکستان کے مطابق دفتر خارجہ کے ترجمان ڈاکٹر محمد فیصل نے ایک بیان میں کہا ہے کہ وزیراعظم کا دورہ، پاکستان اور سعودی عرب کے درمیان دو طرفہ تعاون اور دونوں ملکوں کی قیادت کے باقاعدگی سے ہونے والے وفود کے تبادلوں کا حصہ ہے۔

پاکستان کے وزیرخارجہ شاہ محمود قریشی بھی چند دن پہلے استنبول میں ہارٹ آف ایشیا استنبول پراسس کانفرنس میں شرکت کے بعد سعودی عرب کا ایک روزہ دورہ کر چکے ہیں۔

وزیر خارجہ مخدوم شاہ محمود قریشی اور سعودی وزیر خارجہ شہزادہ فیصل بن فرحان بن عبداللہ کی ملاقات میں کثیرالجہتی شعبہ جات میں دو طرفہ تعاون کے فروغ اور خطے میں امن و استحکام کے لیے باہمی مشاورت جاری رکھنے پر اتفاق کیا گیا تھا۔

خیال رہے کہ سعودی ولی عہد شہزادہ محمد بن سلمان نے رواں برس فروری میں پاکستان کا دورہ کیا تھا جس میں دونوں ملکوں کے مابین کئی معاہدوں پر دستخط کیے گئے تھے اور دونوں ممالک میں تاریخی تعلقات کو مزید وسعت دینے پر اتفاق کیا گیا تھا۔

نقطہ نظر

مزید

قارئین کی پسند