تمام حقوق بحق العربیہ نیوز چینل محفوظ ہیں © 2021

دوست کو بھیجئے

بند کیجئے
ایک ارب ڈالرز کا حصول اجارہ صکوک بانڈ کے اجراء کا فیصلہ
دوست کا نام:
دوست کا ای میل:
بھیجنے والے کا نام:
بھیجنے والے کا ای میل:
Captchaکوڈ

 

پیر 24 رجب 1442هـ - 8 مارچ 2021م
آخری اشاعت: اتوار 10 جمادی الثانی 1442هـ - 24 جنوری 2021م KSA 14:10 - GMT 11:10
ایک ارب ڈالرز کا حصول اجارہ صکوک بانڈ کے اجراء کا فیصلہ
اسلام آباد ۔ ایجنسیاں

حکومت پاکستان نے بجٹ خسارے سے نمٹنے کے لئے اجارہ صکوک بانڈ کے اجرا کا فیصلہ کیا ہے جس سے ایک ارب ڈالر تک حاصل ہوسکیں گے اس اجرا کے لئے حکومت نے اسلام آباد میں واقع 750 ایکڑ پر محیط ایف 9 پارک کو گارنٹی کے طور پر پیش کیا ہے ۔

اس سلسلے میں ایک سمری اگلے ہفتےجنوری 26 کو ہونے والے کابینہ کے اجلاس میں منظوری کے لئے پیش کی جائے گی۔ اجلاس کی صدارت وزیراعظم عمران خان کریں گے۔ صکوک بانڈ مقامی اور بین الاقوامی سطح پر متعارف کرایا جا رہا ہے۔

تاہم جب پاکستان تحریک انصاف حزب اختلاف میں تھی تو بین الاقوامی اور مقامی طور پر بانڈ جاری کرنے کی مخالفت کرتی رہی ہے۔ اس سلسلے میں فنانس ڈویژن نے کابینہ کو سمری روانہ کردی ہے۔

گذشتہ برس حکومت نے کراچی کے جناح انٹرنیشنل ایئر پورٹ اور بجلی کی تقسیم کار کمپنیوں کو گارنٹی کے طور پر پیش کیا تھا۔ یورو بانڈ کے لئے مقامی اور بین الاقوامی 10 بنکوں نے حصہ لیا تھا۔

یاد رہے تحریک انصاف ماضی میں قومی اثاثے گروی رکھ کر بانڈ جاری کرنے کی سخت مخالفت کرتی رہی ہے۔

نقطہ نظر

مزید