.

حج کے حوالے سے سعودی سفارت خانے کی وضاحت جاری

پہلی اشاعت: آخری اپ ڈیٹ:

پاکستان کے دارلحکومت اسلام آباد میں سعودی سفارت خانے کے ایک ترجمان نے کہا ہے کہ وزیر اعظم پاکستان کے نمائندہ خصوصی برائے مشرق وسطی اور مذہبی ہم آہنگی طاہر اشرفی کا اس سال حج سے متعلق بیان درست نہیں ہے۔

سعودی سفارت خانے سے جاری ایک بیان میں کہا گیا ہے کہ حج کے حوالے سے ابھی تک کوئی فیصلہ نہیں کیا گیا ہے۔ اس حوالے سے جو کچھ کہا جا رہا ہے وہ تجاویز ہیں جو کہ ابھی تک زیر غور ہیں۔

خیال رہے طاہر اشرفی نے سنیچر کو ایک بیان میں کہا تھا کہ سعودی حکومت نے اس سال دنیا بھر سے 60 ہزار افراد کو حج کی اجازت دے دی ہے اور پاکستان سے بھی لوگ حج کے لیے جائیں گے۔