.

شاہ عبداللہ کے لئے الازہر سے ڈاکٹریٹ کی اعزازی ڈگری

جامعہ کا سعودی فرمانروا کی عالم اسلام کے لیے خدمات کا اعتراف

پہلی اشاعت: آخری اپ ڈیٹ:

مصر کی سب سے بڑی دینی درس گاہ جامعہ الازھر نے سعودی فرمانروا شاہ عبداللہ بن عبدالعزیز کی عالم اسلام کے لیے خدمات اور مصری قوم کے حوالے سے جرات مندانہ موقف اپنانے کے اعتراف میں اُنہیں ڈاکٹریٹ کی اعزازی ڈگری دینے کا اعلان کیا ہے۔

جامعہ الازھر کے چیئرمین ڈاکٹر اسامہ العبد نے سرکاری خبر رساں ادارے مڈل ایسٹ نیوز ایجنسی"مینا" سے گفتگو کرتے ہوئے کہا کہ جامعہ الازھر شاہ عبداللہ بن عبدالعزیز کی جانب سے مصری قوم کی حمایت میں جرات مندانہ موقف اپنانے پر انہیں خراج تحسین پیش کرتی ہے۔

ڈاکٹر اسامہ العبد نے مزید کہا کہ شاہ عبداللہ نے عالم اسلام اور دنیا بھر کے مسلمانوں کی فلاح وبہبود اور ان کے مسائل کے حل میں کلیدی کردار ادا کیا ہے۔ خادم الحرمین الشریفین کی انہی خدمات کی بدولت جامعہ الازھر نے انہیں ڈاکٹریٹ کی اعزازی ڈگری دینے کا فیصلہ کیا ہے۔