.

سعودی شاہ عبداللہ ایک اور مرتبہ اعزازی ڈاکٹر بن گئے

پہلی اشاعت: آخری اپ ڈیٹ:

سعودی عرب کی امام محمد بن سعود اسلامی یونیورسٹی نے خادم الحرمین الشریفین شاہ عبداللہ بن عبدالعزیز کو بین الاقوامی تعلقات اور امن اور سلامتی کے قیام کے لیے ان کی خدمات کے اعتراف میں ڈاکٹر آف فلاسفی (پی ایچ ڈی) کی اعزازی ڈگری دی ہے اور انھوں نے یہ ڈگری قبول کر لی ہے۔

جامعہ اسلامیہ امام محمد بن سعود کے صدر سلیمان بن عبداللہ اباالخالد نے منگل کو جامعہ میں ایک نیوز کانفرنس منعقد کی ہے جس میں انھوں نے سعودی عرب کو قوموں کی برادری میں آگے لے جانے کے لیے شاہ عبداللہ کی خدمات پر روشنی ڈالی ہے۔

واضح رہے کہ حال ہی میں مصر کی تاریخی دانش گاہ الازہر نے بھی سعودی فرمانروا شاہ عبداللہ بن عبدالعزیز کو ان کی دنیا میں اسلام اور مسلمانوں کے لیے خدمات کے اعتراف میں ڈاکٹریٹ کی اعزازی ڈگری دی ہے۔ جامعہ الازہر نے اس سے پہلے جولائی میں بھی شاہ عبداللہ کو ان کی مسلمانوں اور ''اُمہ'' کے لیے خدمات کے اعتراف کے طور پر پی ایچ ڈی کی اعزازی ڈگری دی تھی۔