فیس بک کے مالک کو سالگرہ پر ایک ارب ڈالر کا تحفہ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سماجی رابطے کی معروف ویب سائٹ فیس بک کے بانی اور سی ای او مارک زکربرگ کی 31 ویں سالگرہ کے موقع پر انہیں ایک حیرت انگیز تحفہ ملا اور ان کے اثاثوں میں ایک ارب ڈالر کا اضافہ ہوگیا۔

جمعرات کے روز عمر کے 30 سال مکمل کرنے مارک زکربرگ کو اس وقت خوشگوار حیرت کا سامنا ہوا ہوگا جب ان کی کمپنی فیس بک کے شئیرز کی قیمت 2٫93 ڈالر بڑھ کر 81٫37 ڈالر تک پہنچ گئی۔ اس کے نتیجے میں فیس بک کے 42 کروڑ 63 لاکھ شئیرز کے مالک زکربرگ کی دولت میں 1٫2 ارب ڈالر کا اضافہ ہوگیا۔

پچھلے سال کے دوران فیس بک کے شئیرز میں 37٫4 فیصد اضافہ ہوا تھا جس کے نتیجے میں کمپنی کی کل مالیت میں 9٫4 ارب ڈالر کا اضافہ ہوا تھا۔

بین الاقوامی مالیاتی جریدے 'فوربز' کے مطابق سوشل میڈیا گورو کی کل مالیت تقریبا 33٫3 ارب ڈالر کے قریب ہے۔

مقبول خبریں اہم خبریں

مقبول خبریں