مکہ میں بادلوں کی کلاک ٹاورسے اٹکھیلیاں دیکھیے!

منفرد موسمی تبدیلی کو فھد الجھنی نے کیمرے کی آنکھ میں محفوظ کر لیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کے محکمہ موسمیات کمیٹی کے رکن فھد الجھنی نے بدھ کے روز مکہ مکرمہ میں موسم کے بدلتے ہوئے تیور کیمرے کی آنکھ میں محفوظ کر لیے۔ مقدس شہر میں یہ دلفریب موسمیاتی تبدیلی دن ایک بجے رونما ہونا شروع ہوئی، جو قریبا دو گھنٹے پوری آب وتاب سے جاری رہی۔

فھد الجھنی نے مکہ مکرمہ کے آسمان پر گھر کر آنے والے بادلوں کو اس وقت اپنے کیمرے میں محفوظ کیا جب وہ انتہائی کم بلندی پر دن میں رات کا سماں پیدا کر رہے تھے۔ گھنگور گھٹاؤں نے حرم مکی کے سامنے شاہ عبدالعزیز ٹرسٹ کلاک ٹاور کو نصف بلندی تک ڈھانپ لیا۔

جناب الجھنی کے کیمرے نے قریبی پہاڑی چوٹیوں اور شاہراہوں پر برسنے والی بارش کے منظر کو بھی اپنے عدسے میں محفوظ کیا۔ انہوں نے منفرد کیمرہ ورک کا اختتام مکہ پر سایہ فگن بادلوں کی فضا میں اٹکھیلیوں اور ان کے شہر سے باہر جاتے ہوئے مناظر کی تصاویر بناتے ہوئے مکمل کیا جسے ہم زائرین اور قارئین العربیہ ڈاٹ نیٹ کے لیے پیش کر رہے ہیں۔

مقبول خبریں اہم خبریں

مقبول خبریں