کعبۃ اللہ کو 15 محرم کو سالانہ غسل دیا جائے گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مکہ مکرمہ میں مسجد الحرام میں جاری توسیع منصوبے کے پیش نظر عبادت گزاروں اور زائرین کی سہولت اور تحفظ کی خاطر اس سال کعبۃ اللہ کو 15 محرم الحرام کو غسل دیا جائے گاتاکہ وہاں مناسک کی ادائی میں کسی قسم کی کوئی رکاوٹ نہ پڑے۔

سعودی عرب کی سرکاری خبررساں ایجنسی ایس پی اے نے مسجد الحرام اور مسجد نبوی کے امور کے ذمے دار ادارے (پریزیڈینسی) کے ترجمان احمد المنصوری کے ایک بیان کے حوالے سے بتایا ہے کہ اس سلسلے میں شاہی دیوان نے نظام الاوقات کی منظوری دے دی ہے۔

واضح رہے کہ ہر سال رمضان المبارک کے آغاز سے قبل سالہا سال سے جاری روایت پر عمل کرتے ہوئے کعبۃ اللہ کو غسل دیا جاتا ہے اور سعودی فرمانروا اپنے ہاتھوں سے اللہ کے گھر کو غسل دیتے ہیں۔گذشتہ سال رمضان سے قبل خادم الحرمین الشریفین شاہ سلمان بن عبدالعزیز نے کعبۃ اللہ کو غسل دیا تھا۔اس موقع پر ولی عہد شہزادہ محمد بن نایف بن عبدالعزیز بھی ان کے ہمراہ تھے۔

مگر اس سال تعمیراتی کاموں کی وجہ سے یہ غسل محرم میں دینے کا فیصلہ کیا گیا ہے۔مسجد الحرام کی تعمیر وتوسیع کا بڑا منصوبہ سعودی عرب کے مرحوم فرمانروا شاہ عبداللہ بن عبدالعزیز کے دور حکومت میں شروع کیا گیا تھا۔اس منصوبے کے دو مراحل مکمل ہوچکے ہیں اور اس وقت تیسرے مرحلے پر تیزی سے کام جاری ہے۔

مقبول خبریں اہم خبریں

مقبول خبریں