شادی کی موج مستی فلسطینی جوڑے کے لیے مصیبت بن گئی

عروسی جوڑا پانی بھر جانے سے سنبھالنا مشکل ہوگیا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

ان دنوں سماجی رابطے کی ویب سائیٹس پرایک نوبیاہتا فلسطینی جوڑے کی فوٹیج وائرل ہو رہی ہے جس میں شادی کی تقریب کے دوران موج مستی کرتے دلہا دُلہن کو سوئمنگ پول میں چھلانگ لگانے کے بعد مصیبت سے دوچار ہوتے دکھایا گیا ہے۔

ویڈیو فوٹیج دیکھنے سے لگتاہے کہ تالاب میں چھلانگ لگاتے ہی دُلہن خود پر قابو نہ رکھ سکی اور اپنےعروسی جوڑے کے وزن کے ساتھ پانی میں ڈوبنے لگی۔ جوڑے نے جو کہ تیراکی سے لطف اندوز ہونے کے لیے تالاب میں کودا تو اگلے ہی لمحے دلہن خود پر قابو پانے میں ناکام رہی۔ دلہا نے اسے بچانے کی پوری کوشش کی۔ دلہن کو پانی میں ڈوبتے دیکھ کر آس پاس کھڑے سب پریشان ہوگئے۔

موقع پر موجود ایک شخص نے ایک لمبی لاٹھی کی مدد سے دلہن کو بچانے میں مدد کی۔ قبل اس کے کہ دلہن پانی میں ڈوب مرتی کنارے پر کھڑے شخص نے لاٹھی کی مدد سے اسے بچالیا۔ میڈیا رپورٹس کے مطابق خاتون کے لیے خود کو قابو نہ کرپانے کی وجہ اس کا عروسی جوڑا بنا۔ عروسی جوڑے میں پانی داخل ہوتے ہی وہ بہت بھاری ہوگیا جس کے باعث دلہن کے لیے اسے اٹھانا ناقابل برداشت ہوگیا۔

مقبول خبریں اہم خبریں

مقبول خبریں