.

آنکھوں کی بینائی برقرار رکھنے کے لیے 8 غذائیں

پہلی اشاعت: آخری اپ ڈیٹ:

ہم ہمیشہ سے یہ سنتے آئے ہیں کہ پرہیز علاج سے بہتر ہے.. لیپ ٹاپ ، اسمارٹ فون اور wearable الیکٹرونک آلات کے بڑی تعداد میں ہر طرف پھیل جانے کے ساتھ ہم سب کو نظر (بینائی) کی لازمی کمزوری کا سامنا ہے۔ اسی طرح ہمارے بچوں کو بھی نظر سے متعلق مسائل درپیش ہیں۔

تاہم ہم اپنے گھروں میں دستیاب بعض غذاؤں کے ذریعے خود کو نظر سے متعلق مسائل سے بچا سکتے ہیں۔ صحت کے امور سے متعلق ویب سائٹ "بولڈ اسکائی" کے مطابق ضرورت اس امر کی ہے کہ ان غذاؤں کو ہم اپنے روز مرہ کے کھانوں میں شامل کریں۔

آنکھوں کے حوالے سے ہم اکثر جن علامات سے دوچار ہوتے ہیں ان میں آنکھوں کا لال ہونا، آنکھوں میں خشکی اور خارش کا ہونا شامل ہے۔ بالخصوص عمر میں اضافے کے ساتھ ان میں اضافہ ہوتا چلا جاتا ہے۔

اگر آپ اپنی نظر کو مضبوط رکھنا چاہتے ہیں تو ذیل میں بتائی گئی آٹھ غذاؤں کا استعمال کریں:

1– کیوی فروٹ

کیوی وٹامن"C" سے سب سے زیادہ بھرپور پھلوں میں سے ہے۔ یہ انسانی جسم کی قوت مدافعت کو مضبوط کرنے میں مددگار ہوتا ہے اس کے علاوہ تناؤ کو کم کرتا ہے اور بینائی کی طاقت کو بہتر بناتا ہے۔

2 – موسمی

یہ وٹامن"C" بھرپور ہوتی ہے۔ موسمی نظر کی طاقت کو مضبوط کرتی ہے اور بڑھتی عمر میں اس کو کمزور ہونے سے بچاتی ہے۔

3 – گاجر کا جُوس

گاجر کیروٹن اور وٹامن "A" سے بھرپور ہوتی ہے۔ یہ نظر کو مضبوط بنانے کے حوالے سے بہترین عناصر میں سے ہے۔

4 – ہلدی

ہلدی بہترین غذائی عناصر میں سے ہے جو وٹامن "A" ،"B" اورE" " سے بھرپور ہوتی ہے۔ اس کے علاوہ ہلدی میں اینٹی آکسیڈنٹس بھی پائے جاتے ہیں جو آنکھ کے قدرتی عدسے cataract کو دھندلا ہونے سے بچاتے ہیں۔

5 – ٹماٹر

یہ بھی وٹامن"C" سے بھرپور ہوتا ہے۔ اسی لیے آنکھوں کی صحت کی مضبوطی کے لیے عمومی طور پر بہت فائدہ مند ہے۔

6 – زیتون کا تیل

یہ مخلتف وٹامنوں اور اینٹی آکسیڈنٹس سے بھرپور ہوتا ہے۔ اس کے نتیجے میں زیتون کا تیل آنکھوں کی صحت کی بہتری اور نظر کو طاقت ور بنانے کی صلاحیت رکھتا ہے۔

7 – مگر ناشپاتی (ایووکاڈو)

یہ ان بہترین پھلوں میں سے ہے جو آنکھوں کی حفاظت کرتے ہیں اور بینائی کو تیز کرتے ہیں۔

8 – خشک میوہ جات

تمام میوہ جات بالخصوص بادام ، مونگ پھلی اور بندق (ہیزل کا مغز) میں وٹامن"E" سے بھرپور غذائی عناصر پائے جاتے ہیں جو آنکھوں کی صحت کو بہتر بناتے ہیں۔