.

حاکمِ دبئی کے ساتھ خاتون کی ''فوٹو بم '' سیلفی کی خوب تشہیر

پہلی اشاعت: آخری اپ ڈیٹ:

ارباب اقتدار کی کوئی غیر معمولی ادا اکثر خبر بن جاتی ہے اور بعض اوقات تو یک دم بڑی خبر بھی بن جاتی ہے اور ان کے ساتھ عام شہری بھی شہرت کی بلندیوں پر پہنچ جاتے ہیں۔چار دانگ عالم ان کے چرچے ہونے لگتے ہیں۔

کچھ ایسا ہی معاملہ دبئی کے حاکم ،متحدہ عرب امارات کے نائب صدر اور وزیراعظم شیخ محمد بن راشد آل مکتوم کی فلم بنانے والی ایک خاتون کے ساتھ پیش آیا ہے۔ ہوا یہ کہ جب یہ خاتون شیخ محمد کے ساتھ سیلفی ویڈیو بنانے کی کوشش کر رہی تھی تو وہ بھی شرارتی انداز میں اس کا حصہ بن گئے۔

شیخ محمد اس خاتون کے پیچھے چلتے ہوئے آرہے تھے،انھوں نے پہلے اپنا مشہور زمانہ تین انگلیوں کا سلیوٹ والا نشان بنایا اور پھر اچانک مسکراتے ہوئے اس خاتون کے پیچھے آگئے اور ویڈیو میں اس کی سیلفی کا حصہ بن گئے۔

یہ ویڈیو انسٹا گرام پر سوموار کو پوسٹ کی گئی تھی۔اس کے بعد سے منگل کی شب تک کم سے کم چوّن ہزار لوگ اس کو دیکھ چکے تھے۔