.

تیز رفتار کار نے راہگیر کے پرخچے اڑا دیے

پہلی اشاعت: آخری اپ ڈیٹ:

سعودی عرب مہلک سڑک حادثات میں اس وقت دنیا کے سرفہرست ممالک میں شمار ہوتا ہے اور اس کی شاہراہوں پر روزنامہ تیز رفتاری اور ڈرائیوروں کے غیر ذمے دارانہ انداز میں گاڑیاں چلانے کے سبب تباہ کن حادثات پیش آتے رہتے ہیں۔

ایسے ہی ایک مہلک حادثے کی ایک ویڈیو کی سوشل میڈیا پر خوب تشہیر کی جارہی ہے۔یہ ویڈیو شہریوں میں تیزرفتاری کے خطرات اور راہ گیروں کے تحفظ کے بارے میں شعور اجاگر کرنے کے لیے پوسٹ کی گئی ہے۔

سی سی ٹی وی کیمرے سے لے گئی ہے اس تصویر میں ایک شاہراہ پر تیز رفتار کار ایک مصری تارک وطن کو اڑا کر لے جاتی اور اس کو کئی میٹر دور جا پھینکتی ہے۔

اس ڈرائیور کے بارے میں خیال کیا جاتا ہے کہ اس نے خود کو حکام کے حوالے کردیا ہے۔اس واقعے کی مزید تفصیل سامنے نہیں آئی ہے۔تاہم سوشل میڈیا کے صارفین اپنی مہم کے ذریعے ڈرائیوروں سے یہ مطالبہ کررہے کہ وہ اپنی رفتار کو کم رکھی اور راہگیروں کا احترام کریں۔