.

غلاف کعبہ کے مختلف مراحل کی 25 نادر تصاویر میں نمائش

پہلی اشاعت: آخری اپ ڈیٹ:

سعودی عرب کے دارالحکومت الریاض میں نمائش کے دوران ایک مقامی فوٹو گرافر نے غلاف کعبہ کی تیاری کے مختلف مراحل کو اپنے کیمرے کی آنکھ میں محفوظ کیا ہے۔ نمائش میں پیش کردہ کسوہ العکبہ کے ایمان افروز مناظر نے ہر دیدہ ودل رکھنے والوں کے دل موہ لیے۔ جس خوبصورتی، پیشہ وارانہ فنی مہارت اور توجہ کے ساتھ غلاف کعبہ کی تصاویر تیار کی گئی ہیں وہ ہر دیکھنے والے کے دل میں اتر جاتی ہیں۔

سعودی عرب کے فوٹو گرافر راید اللحیانی نے'العربیہ ڈاٹ نیٹ' کو بتایا کہ فوٹو گرافی کے ذریعے غلاف کعبہ کی نمائش 'ان دیکھے' مناظر کے نمائشی سلسلے کی ایک کڑی ہے، جس کا انعقاد الریاض میں 27 سے 31 اگست تک جاری رہے گا۔ اس دوران غلاف کعبہ کی سعودی عرب میں صنعت، تیاری اور اس کی تبدیلی کے مراحل پیش کیے گئے ہیں۔

ایک سوال کے جواب میں اللحیانی نے کہا کہ الریاض میں منعقدہ نمائش میں کسوہ کعبہ کی 25 نایاب تصویری فن پاروں کے نمونے پیش کیے گئے ہیں۔ جو غلافہ کعبہ کے مختلف مراحل کی عکاسی کرتے ہیں۔ یہ یادگار تصاویر سعودی عرب کے نیشنل آرٹ، حکومت کی غلاف کعبہ کی تیاری کی مہارت اور ثقافتی اقدار کی نشاندہی کرتی ہیں۔

فوٹوگرافر اللحیانی کا کہناہےکہ اس نے کسوہ کعبہ کی تاریخی اور نایاب تصاویر لینے کا سلسلہ 2006ء میں شروع کیا۔ میں نے اس کے بعد ہرسال غلافہ کعبہ کی تیاری ، اس کی تبدیلی اور ہرنئے سال کے غلاف کعبہ کے مناظر کواپنے کیمرے میں محفوظ کرنا شروع کیا۔ اللحیانی کی غلاف کعبہ کی ایک نادر تصویر نیشنل جیوگرافک جریدے کے اگست 2019ء کے شمارے میں بھی شائع کی گئی ہے۔