سعودی عرب کے جنوب مغربی علاقے عسیر کے ساحل پر مملکت کے سب سے بڑے’ واٹر فرنٹ ‘ کو عوام کے کھول دیا گیا۔ پانچ سو ملین ریال کی خطیر لاگت سے مکمل ہونے والا واٹر فرنٹ اعلیٰ ترین ٹکنالوجی اور جدید ترین جمالیاتی معیار کا منہ بولتا ثبوت ہے۔
تفصیلات کے مطابق عسیر کے ساحل پر قائم کیا جانے والا واٹر فرنٹ 2.4 ملین مربع میٹر کے رقبے پر بنایا گیا ہے۔ اس کا افتتاح گورنر عسیر شہزادہ ترکی بن طلال بن عبدالعزیز نے کیا ہے۔ یہ واٹر فرنٹ سبزہ زاروں اور شائقین کی جملہ ضروریات کی تکمیل کرنے والی سہولیات سے آراستہ ہے۔
گورنر عسیر نے واٹر فرنٹ کے افتتاح کے موقع پر منصوبے اپنی پسندیدگی کا اظہار کرتے ہوئے کہا کہ واٹر فرنٹ سعودی وژن 2030 کو عملی جامہ پہنانے کی روشن مثال ہے۔ واٹر فرنٹ خادم حرمین شریفین شاہ سلمان اور ولی عہد شہزادہ محمد بن سلمان کی امنگوں کا آئینہ دار ہے۔
