.

آسمان پر پراسرار اڑن طشتری کی ویڈیو سوشل میڈیا پر وائرل

پہلی اشاعت: آخری اپ ڈیٹ:

کچھ دن سے خاص طور پر امریکا میں ، میڈیا اور سماجی رابطوں کی سائٹوں پر اڑن طشتریوں کی ایک ویڈیو وائرل ہوئی ہے۔ اڑن طشتری کی ویڈیو سامنے آنے کے بعد اس پر کئی سوالات بھی اٹھ رہے ہیں۔'UFO' نامی اڑن طشتری کی ویڈیو پرامریکی محکمہ دفاع کا رد بھی آیا ہے۔
وزارت دفاع نے تصدیق کی ہے کہ حال ہی میں منظرعام پر آنے والی تصاویر اور ویڈیوز جو کہ سوشل میڈیا پر گردش کررہی ہیں نیوی کے اہلکاروں کی پرواز کے دوران لی گئی تھیں۔ انہوں نے مزید کہا کہ یہ مناظر نامعلوم اڑتی اشیا میں بڑھتی ہوئی دلچسپی کو مزید بڑھانے کے لیے آئی۔ یہ ایک نا معلوم فضائی مظہرہے جسے'یو اے پی کہا جاتا ہے۔

پینٹاگان کے ترجمان سیو گوو نے سی این این کو بتایا کہ آسمان میں چمکتی ہوئی مثلثی شے کی تصاویر اور فوٹیج ، جنھیں "بال" ، "اکورن" اور "دھاتی غبارے" کے طور پر دیکھا گیا کو نیوی اہلکاروں نے 2019ء کو کیمرے میں محفوظ کیا تھا جسے جمعہ کے روز برطانوی اخبار گارجین کی ویب سائٹ پر نشر کیا گیا۔

اس میں یہ بھی اشارہ کیا گیا ہے کہ وزارت دفاع ان فوٹیج کی نوعیت کے بارے میں مزید کوئی تبصرہ نہیں کرے گا اور نہ ہی اس کے بارے میں کوئی معلومات شییر کی جائیں گی۔

بتایا جاتا ہے کہ گذشتہ اپریل میں ، پینٹاگان نے 2004 اور 2015 میں لی گئی 'یو اے پی' کی 3 ویڈیوز جاری کی تھیں جس میں پائلٹوں کی آواز بھی شامل تھی جس کی وجہ سے وہ اجنبی اشیاء کو دیکھ رہے تھے۔ وہ یہ سب دیکھ کر حیران رہ گئے تھے۔