.

رمضان کے آخری عشرے کے لیے "حرمین جنرل پریذیڈنسی" نے تیاریاں بڑھا دیں

پہلی اشاعت: آخری اپ ڈیٹ:

مسجد حرام اور مسجد نبوی کے امور کی جنرل پریذیڈنسی نے رمضان کے آخری عشرے میں لوگوں کے استقبال کی استعدادی سطح کو بڑھا دیا ہے۔ اس سلسلے میں ایک مربوط عملی نظام ترتیب دیا گیا ہے جو چوبیس گھنٹے کام کرے گا۔

انتظامیہ نے مسجد حرام میں تطہیر، سینی ٹائزیشن ، آپریشن اور نقل و حرکت کی کارروائیوں میں اضافہ کر دیا ہے۔ مسجد میں آمد و رفت کے راستے متعین کر دیے ہیں اور معذور افراد کے لیے خصوصی راستوں کا تعین کیا گیا ہے۔ مطاف کے صحن اور دیگر کھلی جگہاؤں پر آب زمزم کے پیک کی تقسیم پر خصوصی توجہ دی جا رہی ہے۔

اس سلسلے میں جنرل پریذیڈنسی کے زیر انتظام تمام ذیلی کمیٹیاں اور متعلقہ حکام اپنی ذمے داریان بھرپور طور سے انجام دے رہے ہیں۔ لوگوں کی بھیڑ اکٹھا ہونے سے روکنے اور تمام حفاظتی تدابیر اور احتیاطی اقدامات پر عمل کو یقینی بنانے کا سلسلہ جاری رہے۔

جنرل پریذیڈنسی کے انتظامات کے مطابق مسجد حرام کو روزانہ 10 مرتبہ دھویا جا رہا ہے۔ اس عمل میں 4000 سے زیادہ مرد اور خواتین کارکنان شریک ہیں۔ تطہیر کے ہر عمل میں 80 ہزار لیٹر سے زیادہ خصوصی مواد اور 1600 لیٹر خوشبو کا استعمال کیا جا رہا ہے۔