.

تصاویر: حرمین شریفین میں کووڈ پروٹوکول کے تحت نماز عید کے روح پرور اجتماع

پہلی اشاعت: آخری اپ ڈیٹ:

آج مسجد حرام میں عید الفطر کی نماز کا اجتماع منعقد ہوا۔ اس موقع پر مکہ مکرمہ صوبے کے گورنر اور خادم حرمین شریفین کے مشیر شہزادہ خالد الفیصل اور ان کے نائب شہزادہ بدر بن سلطان بن عبدالعزیز بھی موجود تھے۔ ساتھ ہی تمام حفاظتی تدابیر اور احتیاطی اقدامات کو بھی لاگو کیا گیا تھا۔ ان میں سماجی فاصلہ اور ماسک کا پہننا شامل ہے۔

مسجد حرام

نماز عید کی امامت شاہی دیوان کے مشیر اور مسجد حرام کے امام و خطیب ڈاکٹر صالح بن حُمید نے کی۔ اس موقع پر اپنے خطبے میں انہوں نے اللہ سبحانہ و تعالی کی حمد و ثنا کی اور مسلمانوں کو اللہ کا تقوی اختیار کرنے کی نصیحت کی۔

المعتمرون في صلاة العيد
المعتمرون في صلاة العيد

مسجد نبوی

ادھر مدینہ منورہ میں مسجد نبوی میں نماز عید کا اجتماع ہوا۔ اس موقع پر مدینہ منورہ صوبے کے گورنر شہزادہ فیصل بن سلمان بن عبدالعزیز اور ان کے نائب شہزادہ سعود بن خالد الفیصل بھی موجود تھے۔

نماز عید کی امامت مسجد نبوی کے امام و خطیب شیخ احمد بن طالب بن حُمید نے کی۔ انہوں نے اللہ تعالی کی تکبیر و تحمید کے بعد ماہ رمضان میں روزے اور رات کے قیام کی نعمت ملنے پر اللہ تعالی کا شکر ادا کیا۔

صلاة العيد بالمسجد الحرم
صلاة العيد بالمسجد الحرم

خصوصی انتظامات

اس سے قبل مسجد حرام کے امور کی جنرل پریذیڈنسی نے حرمین شریفین میں عید کے دوران میں نمازیوں کے استقبال کے لیے اپنی تیاری کی سطح بلند کر دی تھی۔ ان خصوصی اور بھرپور انتظامات کا مقصد معتمرین اور نمازیوں کے لیے محفوظ اور پر سکون ماحول فراہم کرنا ہے۔ ایسا ماحول جہاں وہ روحانی فضاؤں میں خشوع اور سکون کے ساتھ اپنی عبادت اور مناسک ادا کر سکیں۔

صلاة العيد في المسجد النبوي
صلاة العيد في المسجد النبوي

حرمین کے امور کی انتظامیہ میں فنی اور خدماتی شعبے کے سکریٹری محمد الجابری کے مطابق مسجد حرام کو روزانہ 10 مرتبہ دھویا جا رہا ہے۔ اس عمل میں 4000 سے زیادہ مرد اور خواتین کارکنان شریک ہیں۔ تطہیر کے ہر عمل میں 80 ہزار لیٹر سے زیادہ خصوصی مواد اور 1600 لیٹر خوشبو کا استعمال کیا جا رہا ہے۔ علاوہ ازیں حرم شریف میں ہاتھوں کو سینی ٹائز کرنے کے لیے 500 سے زیادہ آلات نصب کیے گئے ہیں۔ یہ آلات سینسر کی خصوصیت کے ساتھ کام کرتے ہیں۔

السقیا پروجیکٹ کے سلسلے میں طاق رات کے دوران مین انتظامیہ کی جانب سے نمازیوں اور معتمرین میں آب زمزم کی 2 لاکھ سے زیادہ بوتلیں تقسیم کی گئیں۔

الجابری کے مطابق مسجد حرام میں آنے والوں کی خدمت کے واسطے 8000 چھوٹی لاریوں کا انتظام کیا گیا ہے۔ ان میں 5000 ہزار سادی اور 3000 برقی لاریاں ہیں۔ انتظامیہ نے مسجد حرام کے دروازوں پر 100 سے زیادہ نگراں تعینات کیے ہیں جو نمازیوں کا استقبال کر کے ان کے لیے مختص جگہاؤں کی جانب رہ نمائی کرتے ہیں۔ علاوہ ازیں نمازیوں اور معتمرین کی آمد و رفت کو منظم رکھنے میں سیکورٹی اہل کاروں کی معاونت کرتے ہیں۔