.

حج سکیورٹی فورس کی نیوز کانفرنس، پہلی مرتبہ خاتون اہلکار کی بریفنگ

پہلی اشاعت: آخری اپ ڈیٹ:

سعودی عرب میں حج سکیورٹی فورس کی پریس کانفرنس میں پہلی مرتبہ خاتون سکیورٹی اہلکار خاتون عبیر الراشد کو بریفنگ کا موقع دیا گیا۔ عبیر الراشد نے پریس کانفرنس میں حج موسم کے دوران ٹریفک اور سکیورٹی فورسز کی سکیموں کی تفصیلات بیان کیں۔

انھوں نے بتایا کہ اس سال حج مقامات پر ٹریفک اور سکیورٹی فورس کے اہلکار کیا خدمات انجام دیں گے اور سکیورٹی و ٹریفک انتظامات کے حوالے سے نئے اقدامات کیا کیے جائیں گے۔ پریس کانفرنس میں حج سکیورٹی فورس کے کمانڈر میجر جنرل زاید الطویان نے بتایا کہ حج کے موقع پر ٹریفک اور سکیورٹی کارروائی کو موثر بنانے کے لیے خفیہ پٹرولنگ فورس تشکیل دی گئی ہے۔